مصنف کا تعارف ڈاکٹر ابو امینہ بلال فلپس 17 جولائی 1947 میں ویسٹ انڈیز میں پیدا ہوئے اور آپ کی پرورش کینیڈامیں ہوئی۔1972 میں مشرف بہ اسلام ہوئے اور اپنے علمی سفر کا آغاز کیا ۔آپ نے جامعۃ المدینہ ،سعودیہ عرب سے شعبہ اصول الدین سے بی۔اے اور جامعۃ الریاض سے ایم-اے مکمل کیا ۔یونیورسٹی آف وہیلز سے پی۔ایچ۔ڈی مکمل کرنے کے بعد 1994 میں دبئی اسلامک انٹرنیشنل سنٹر کی بنیاد رکھی اور 2001 تک باحثیت مدیر اپنی خدمات سرانجام دیتے رہے۔ساتھ ہی آپ نے اسلامک آن لائن یونیورٹی کی بنیاد رکھی جو سب سے پہلی اسلامک آن لائن یونیورسٹی کہلاتی ہے ۔اب آپ قطر گیسٹ سینٹر میں بطور لیکچرار اپنی خدمات سر انجام دے رہے ہیں۔ آپ کی تحریر کردہ کند کتب مندرجہ ذیل ہیں۔ نمبر1.The fundamentals of Tawheed, نمبر2:The true religion of God, نمبر3:Usool ut tafseer طبعِ کتاب کتاب اصول التفسیر کا پہلا ایڈیشن 1996 میں شائع ہوا جو کہ نامکمل تھا۔بلال فلپس کتاب کے دیپاچے مین لکھتے ہیں کہ اس کے تقریباً 9 سال بعد اس کتاب کا مکمل ایڈیشن 2005 میں انٹرنیشنل اسلامک پبلشنگ ہاؤسنگ ،ریاض،سعودیہ عرب نے شائع کیا۔کتاب کی اصل زبان انگریزی ہے ۔کتاب میں کل 15 ابواب ہیں اور یہ کتاب کل 345 صفحات پر مشتمل ہے۔کتاب کی قیمت $6ہے یعنی پاکستانی 1059 روپے۔ وجہِ انتخاب تفسیرِ قرآن پڑھنے اور سننے کا شوق شروع سے ہی رہا ہے لیکن اب یہ جاننا چاہتا تھا کہ تفسیر لکھنے کے لیے کن اصول و قوائد کا خیالرکھا جاتا ہے ؟اور اسی موضوع سے متعلق دیگر سوالات کے جوابات درکار تھے ۔ اسی سلسلے میں جب کتب کی تلاش شروع کی تو کئیں مشہور کتب ملیں لیکن ان میں سے اکثر کتب میں مشکل الفاظوں و اصطلاحات کا انتخاب پایا ۔ معلومات کے لیے دارالسلام کے دفتر کا دورہ کیا تو انہوں نے یہ کتاب تجویذ کی کیونکہ یہ کتاب عام قارئین کے لیے لکھی گئ ہے۔ کتاب”اصول التفسیر” کا تحقیقی و تنقیدی جائزہ ڈاکٹر ابو امینہ بلال فلپس کتاب کے ابتدائی دو ابواب میں مصنف نے رسول ﷺ کے رحلت فرمانے کے بعد تا اب تک موضوعِ تفسیر پر لکھی گئیں تمام معروف کتبِ تفاسیر کا ذکر کیا ہے ۔مصنف نے بلاتعصب تمام ہی مصنفین کی کاوشوں کو سراہا ہے چاہے وہ کسی بھی مکتبہِ فکر یا یا کس بھی خطے سے تعلق رکھتے ہوں۔ جیسے صفحہ نمبر 18 میں مصنف نے برِصغیر کے عالم عبدالحمید فراحی کی کتاب “التکمیل فی اصول التاویل ” کو اس موضوع پر لکھی گئ نامور کتب میں شمار کیا ہے۔مصنف ان ابواب میں تفسیر با لر وایہ و تفسیر بالرائے کے مابین فرق کرتے ہوئے اس بات کی وضاحت کرتے ہیں کہ کیسے بدلتے زمانے کے ساتھ لوگ قرآن کی تفسیراس کے بنیادی اصولوں سے ہٹ کر اپنی عقل کے مطابق کرنے لگے جس سے بڑا فتنہ پیدا ہوا اور دورِحاضر میں لکھی جانے والی اکثر تفاسیر تفسیر بالرائے و تفسیر بالروایہ کا مجموعہ ہوتی ہیں۔ باب سوم میں مصنف نے قرآن کے ابتدائ تراجم کا ذکر کیا ہے قرآن کا پہلا ترجمہ 13 صدی میں لکھا گیا اور اردو زبان میں شاہ عبدالقادر دہلوی نے لکھا ۔چونکہ کتاب انگریزی زبان میں گویا مصنف نے انگریز مترجم کی کاوشوں کو سراہا ہے۔ مصنف نے صفحہ نمبر 81 میں سلطنت ِ عثمانیہ پر تنقید کرتے ہوئے “وار ٌلارڈز” کہہ کر پکارا ہے جس کے معنی ایسے جنگجو کے ہیں جو اپنی ذاتی مفادات کے لیے جنگ کرتے ہیں۔مصنف نے عربی زبان کے زوال کا سبب عثمانیوں کو ٹہرایا ہے کہ ترکوں نے عربی زبان کو مدارس اور مذہبی رسومات تک محدود کردیا تھا ۔ مصنف کا یہ دعویٰ ہے کہ قرآن کا ترجمہ ممکن ہی نہیں کیونکہ قرآن ایک معجزہ ہے ۔تراجم پڑھ کر کوئی شخص ہدایت تو پاسکتا ہے لیکن قرآن کے معجزے تک بذریعہ ِتراجم ہر گز نہیں پہنچ سکتا۔ باب چہارم میں مصنف نے امثال کے ساتھ اس بات کی وضاحت کی ہے کہ قرآن کس طرح تمام کتب سے منفرد کتاب ہے ۔قرآن کوئ ایسی کتاب نہیں جو کسی بھی طرح کے اصول و قواعد میں قید ہو بلکہ قرآن ان تمام باتوں سے آزاد ہے اور یہی بات اسے منفرد بناتی ہے۔ باب پنجم ، باب ششم ،باب نہم،باب دھم و باب بازدھم میں مصنف نے وحی کے لغوی و اصطلاحی معنی ،قرآن کی مختلف سات قراتیں بیان کرنے کے بعد اسباب النزول کی تفصیلات بتائ ہیں کہ وحی نازل ہونے کی جو وجہ ہوتی ہے وہ قرآن کو سمجھنے کے لیے بڑی اہمیت کی حامل ہے کیونکہ کبھی کوئی حکم عام بھی ہوتا اور کبھی خاص بھی ۔ قرآن پہلے لوحِ محفوظ پر پھر جبرئیلِ امین کے ذریعے پیغمبرﷺ تک پہنچا اور آپﷺ پر قرآن وقفوں میں نازل ہوا جس کی اہمیت و حکمت مصنف نے تفصیل کے ساتھ بیان کی ہیں ۔ساتھ ہی مصنف نے مکی و مدنی وجہ ِنزولِ وحی کے پیچھے حکمت کو بیان کیا ہے اور لکھا ہے کہ مکی سورتیں عقائد و نطریات کے موضوع پر ہیں اور مدنی سورتیں انبیاء کے قصص اور اصول و قوائد،حرام و حلال کے موضوع پر نازل ہوئیں۔ باب ہفتم اور باب نھم میں مصنف نے تدوینِ قرآں کی مختصر تاریخ اور قرآن میں صورتوں کی ترتیب کا ذکر کیا ہے کہ قرآن کی ترتیب آپ ﷺ نے بذات خود ہی تعلیم فرمائ اور حضرت عثمان رضی اللہ عنہ نے قرآن کو کتابی شکل دیتے وقت بذاتِ خود بھی ترتیب ِ قرآن کی جانچ پڑتال کی ۔ آخری چار ابواب دواز دہم، سیزدہم، چہاردہم، پانزدہم میں مصنف نے ان اصطلاحات کا استعمال کیا ہے جو اصولِ التفسیر میں استعمال کی جاتی ہیں جیسے نقش ،مھکم ،متشابہ، مثل ، جدل ،قصہ،عام ،خاص مطلق، مقید،مطلوق،اقتدا وغیرہ۔ کتاب چونکہ انگریزی زبان میں لکھی گئ ہے تو مصنف نے کتاب کے آغاز میں حرفِ تہجی اور ساتھ ان کا انگریزی ترجمہ بھی دیا ہے تاکہ تلفظ کرنے میں آسانی رہے۔کتاب کے آخر میں ایک حصہ قرآنی آیات اوراحادیث کے حوالاجات کا ہے۔اسی طرح تمام استعمال کردہ اصطلاحات ,تعریفات اور مصنف کی استفاذہ کردہ کتابیات کا بھی حصہ موجود ہے۔مصنف نے حاشیوں کا بھی استعمال کیا ہے۔جہاں کسی لفط کی وضاحت کرنا ضروری جانا وہاں حاشیے کا استعمال

تلاوت کلام پاک کرتے وقت کیا نیت و ارادہ کرنا چاھیے ؟ بہت سے مسلمان قرآن مجید کی تلاوت کرتے ھوئے محض اجر و ثواب کی نیت کرتے ہیں۔جبکہ قرآن پاک کی تلاوت کرتے وقت مزید کئی بڑی نیتیں بھی کی جا سکتی ہیں جس سے اکثر لوگ ناواقف ہیں- حالانکہ قرآن پاک کی تلاوت کے وقت درج ذیل نیتیں کرنے سے قرآن پاک کے بے شمار انعامات و ثمرات سے بھی مستفید ھو سکتے ہیں جیسا کہ نبی کریم صلی اللہ علیہ وسلم نے فرمایا: * إنَّمَا الْأَعْمَالُ بِالنِّيَّاتِ، وَإِنَّمَا لِكُلِّ امْرِئٍ مَا نَوَى* * “اعمال کا دارومدار نیتوں ہی پر ہے۔ اور ہر شخص کے لیے وہی کچھ ہےجس کی اس نے نیت کی”* – ( مفہوم حدیث) قرآن پاک کی تلاوت کے وقت درج ذیل نیتیں بھی کر لی جائیں تو یقینا اس تلاوت پر ہم بے بہا انعامات حاصل کر سکتے ہیں :- جیسا کہ ۔۔ نمبر1- میں علم اور اس پر عمل کی نیت سے قرآن مجید پڑھتا ھوں ۔ نمبر2- میں اللہ تعالی سے ہدایت کے ارادے و نیت سے قرآن مجید پڑھتا ھوں ۔ نمبر3- میں اللہ تعالی کو یاد کرنے کی نیت سے قرآن مجید پڑھتا ھوں ۔ نمبر4 – میں اپنی ظاہری و باطنی ( جسمانی و روحانی ) بیماریوں سے پاک ہونے کے ارادے و نیت سے قرآن مجید پڑھتا ھوں ۔ نمبر5- میں اس نیت سے قرآن پڑھتا ھوں کہ اللہ تعالی مجھے اندھیروں سے نکال کر روشنی اور نور عطا فرما دیں ۔ نمبر6- میں اس نیت سے قرآن پڑھتا ھوں کہ اللہ تعالی میرے دل کی سختی کو دور کر دیں اور میرے دل کو نرم فرما دیں ۔ نمبر7- میں اس نیت سے قرآن پڑھتا ھوں کہ اللہ تعالی میرے سینے کے تفکرات کو ختم فرما دیں ۔ نمبر8- میں اس نیت سے قرآن پڑھتا ھوں کہ میں غافل لوگوں میں نہ لکھا جاوں بلکہ یاد رکھنے والوں میں شمار کیا جاوں ۔ نمبر9- میں اس نیت سے قرآن پڑھتا ھوں کہ اللہ تعالی کی ذات و صفات پر میرے یقین اور ایمان میں ترقی و اضافہ ھو ۔ نمبر10- میں اس نیت سے قرآن پڑھتا ھوں کہ اللہ تعالٰی کے حکم کی تعمیل کرنے والا بن جاوں ۔ نمبر11- میں قرآن مجید کو ثواب کے لئے پڑھتا ہوں ، تاکہ مجھے اسکے ہر حرف کے بدلے 10 نیکیاں ملیں اور اللہ تعالی اپنے فضل سے مزید بڑھا کر عطا فرما دیں ۔ نمبر12- میں اس نیت سے قرآن پڑھتا ھوں کہ قیامت کے دن مجھے قرآن کریم کی شفاعت حاصل ھو جائے ۔ نمبر13- میں رسول اللہﷺ کے حکم کی تعمیل کی نیت سے قرآن پڑھتا ھوں ۔ نمبر14- میں اس نیت سے قرآن پڑھتا ھوں کہ اللہ تعالی قرآن مجید کے سبب مجھے بلند مرتبہ والوں میں شمار فرما دے۔ نمبر15- میں اس نیت سے قرآن پڑھتا ھوں کہ قرآن مجید کی وجہ سے اللہ تعالی مجھے جنت میں داخل فرما دے اور مجھے اور میرے والدین کو تعظیم کا تاج پہنا دے ، اور میرے والدین کو کرامت کا لباس پہنا کر جنت میں داخل فرمادے ۔ نمبر16- میں اس نیت سے قرآن پڑھتا ھوں کہ اسکا پڑھنا مجھے اللہ تعالی کے قریب کر دے ۔ نمبر17- میں اس نیت سے قرآن پڑھتا ھوں کہ میں اللہ تعالی کے خاص بندوں میں شامل ہوجاؤں۔ نمبر18- میں اس نیت سے قرآن پڑھتا ھوں کہ معزز فرشتوں کے ساتھ ھو جاوں اور اللہ تعالی مجھے قرآن کے ماھر میں شمار فرمادے ۔ نمبر19- میں جھنم کی آگ اور اللہ تعالی کے عذاب سے بچنے کی نیت سے قرآن پڑھتا ھوں ۔ نمبر20- میں اس نیت سے قرآن پڑھتا ھوں کہ مجھے اللہ تعالی کی معیت ( تعلق ) نصیب ھو جاے۔ نمبر21- میں اس نیت سے قرآن پڑھتا ھوں کہ میں دنیا و آخرت کی ذلت ورسوائی سے بچ جاوں ۔ نمبر22- میں اس نیت سے قرآن پڑھتا ھوں کہ یہ قرآن میرے حق خلاف دلیل نہ بنے بلکہ میرے حق میں دلیل بنے ۔ نمبر23- میں اس نیت سے قرآن پڑھتا ھوں کہ اللہ تعالی مجھے اس پر ثابت قدمی عطا فرما دے ۔ نمبر24- میں اس نیت سے قرآن پڑھتا ھوں کہ مجھے سکینہ ( اطمینان ) ملے اور رحمت مجھ پر نازل ہو اور اللہ تعالی کی بارگاہ میں میرا تزکرہ ھو ۔ نمبر25- میں اللہ تعالی سے خیر اور فضل کے حصول کے ارادے سے قرآن مجید پڑھتا ہوں۔ نمبر26- میں اس نیت سے قرآن پڑھتا ھوں کہ مجھے پاک ھوا ( خوشبو ) نصیب ہو ۔ نمبر27- میں اس نیت سے قرآن پڑھتا ھوں کہ میں اس دنیا میں گمراہ نہ ہوں اور نہ ہی آخرت میں دکھی ہوں۔ نمبر28- میں اس نیت سے قرآن پڑھتا ھوں کہ اس کی برکت سے مجھ سے رنج و غم اور پریشانیوں کو دور کر دیا جائے ۔ نمبر29- میں اس نیت سے قرآن پڑھتا ھوں کہ قبر میں مجھے قرآن سے مجھے ( انسیت ) ھو ، اس دنیا میں میری رہنمائی کرے ، اور مجھے جنت میں لے جائے۔ نمبر30- میں اس نیت سے قرآن پڑھتا ھوں کہ اللہ تعالی مجھے حلم دے اور مجھ کو رسول صلی اللہ علیہ وسلم والے اخلاق سے مزین فرما دے۔ نمبر31- میں اس نیت سے قرآن پڑھتا ھوں کہ حق پر قائم رھوں اور جھوٹ اور باطل سے محفوظ رھوں ۔ نمبر32- میں اس نیت سے قرآن پڑھتا ھوں کہ مجاھدہ نفس حاصل کر کے نفس و شیطان اور اسکے مکر و فریب سے محفوظ رھوں ۔ نمبر33- میں اس نیت سے قرآن پڑھتا ھوں کہ اللہ تعالی قیامت کے دن میرے اور کافروں کے درمیان پردہ حائل فرما دے۔ تو آئیے قرآن مجید والے لوگوں میں سے بنیں !! یقینا یہ اللہ تعالی کے ساتھ نفع بخش تجارت ہے ، جس پر اللہ تعالی اپنی رحمت اور کبھی نہ ختم ہونے والا فضل و احسان عطا فرما تے ہیں ۔ یا اللہ یہ تمام انعامات ہم سب کو عطا فرما ( آمین یا رب العالمین )

اسلام وعلیکم دوستو امید کرتا ہوں آپ سب خیریت سے ہونگے ۔دوستو ویسے تو پورا پاکستان ہی جنت ہے پاکستان کی خوبصورتی کے بارے میں جتنا لکھا جائے کم ہے لیکن پاکستان کے آزاد کشمیر کی اگر بات کی جائے بہت کچھ ملتا لکھنے کو، دیکھنے کو. وہاں کے لوگوں سے جو پیار محبت و خلوص ملتا اسکی مثال نہیں۔اور اگر آزاد کشمیر کے دارالخلافہ مظفرآباد کی بات کرے تو آپ کو بتاؤں کہ وہاں کے بہت مہمان نواز، پیار محبت و خلوص دینے والے ہیں۔ مظفرآباد کی خوبصورتی اپنی مثال آپ ہے۔ وہاں کا موسم بہت ہی پیارا اور خوشگوار ہوتا ہے۔ مظفرآباد میں دریائے جہلم اور دریائے نیلم آکر دونوں مل جاتے ہیں سب سے زیادہ دلکش نظارہ وہاں کا بہت بڑا پل ہے اور اسی پل کے نیچے دونوں دریا مل کر ایک ہو جاتے ہیں اور اب آپ کو بتاؤں کہ وہاں پر دو بہت بڑی ہستیوں کے مزار ہیں۔اور انھی میں سے ایک کے بارے میں آپ کو بتاؤں گا۔ (پیر چناسی) پیر چناسی بہت ہی پیاری جگہ ہے اور یہ مظفرآباد شہر سے 10000فٹ بلندی پر واقع ہے مظفرآباد شہر سے 2 گھنٹے کی مسافت پر ہے اور پیر چناسی کے لوگ نہایت ہی خوش اخلاق اور خلوص دینے والے ہیں اور جب آپ مظفرآباد سے اوپر پیر چناسی کو نکلتے ہیں تو چند کلومیٹر کے فاصلے کے بعد آپ ایسے محسوس کریں گے جیسے گویا جنت میں آگئے ہوں کیونکہ جیسے جیسے آپ اوپر جاتے جائیں گے موسم میں تبدیلی آنا شروع ہو جاتی ہے موسم سرد سے سرد ہونے لگتا ۔15کلو میٹر کے فاصلے کے بعد آپ جو نظارہ دیکھیں گے آپ حیران رہ جائیں گے کیونکہ کہ وہاں سے مظفرآباد پورا آپ کی آنکھوں کے سامنے ہوتا ہے ایک طرف دریائے جہلم کا نظارہ دوسری طرف دریائے نیلم کا خوبصورت منظر۔ مظفرآباد پورا کا پورا شہر اسکی خوبصورتی اور سب سے بڑ کر وہاں کا سٹیڈیم اور ایئر پورٹ بہت پیارا لگتا ہے۔آپ ایسے سفر کرتے جائیں گے اوپر جاتے جائیں گے اور روڈ جو سانپ کی طرح اوپر نیچے بہت کمال کا نظارہ ہوتا ہے ۔ راستے میں بہت بڑے بڑے درخت وہاں کی خوبصورتی کو اور بڑھا دیتے ہیں۔جب آپ 25 کلومیٹر اوپر آ جاتے ہیں تو وہاں پہ آپ کو پیراگلاڈنگ کرنے کے لیے مخصوص جگہ ملے گی جہاں آپ چاہیں تو ہوا میں خود کو اڑا کر لطف اندوز ہو سکتے ہیں اور راستے میں بہت اچھے ریسٹورانٹ بھی ملیں گے جہاں آپ سکون سے کھانا کھا سکتے ہیں اور رات کو رک بھی سکتے ہیں۔ جب آپ پیر چناسی تک پہنچتے ہیں تو آپ خود کو بادلوں میں لپیٹا ہوا پاتے ہیں ہر طرف بادل ہی بادل ٹھنڈی ہوا بہت ہی لطف اندوز اور پر سکون ماحول ہوتا ہے۔ پیر چناسی بلکل پہاڑوں کی ٹاپ چوٹی پر ہے اور بہت دور دور سے لوگ آتے ہیں آپنی منت مانگنے۔سال کے اکتوبر کے مہینے میں سالانہ عرس ہوتا ہے اور دربار کے ساتھ بہت پیارا منظر ہوتا ہے اور ساتھ دربار کے پاکستان ایئر فورس کا سیٹ اپ ہے اس کو دیکھنے کے بعد احساس ہوتا ہے کہ کیسے یہ نہ ڈر بہادر اپنے ملک پاکستان اور ہماری حفاظت کےلئے قربانیاں دے رہے ہیں اتنی سخت سردی میں جہاں درجہ حرارت صفر 10 ہو ۔اللہ پاک افواج پاکستان کو اور ہر مسلمان کو اپنی حفظ و امان میں رکھے آمین ثم آمین۔

جھوٹ جھوٹ دانستہ نادانستہ طور پر ہماری شخصیت کا حصہ ہوتاہے ، ہم جھوٹ کیوں بولتے ہیں یا جھوٹ ہمارے منہ سے کیوں نکل جاتا ہے آٸیے اس بارے غور کرتے ہیں۔ جھوٹ کیا ہے؟ # مذاق میں غلط بیانی کرنا۔ #اصل بات میں اپنی طرف سے اضافہ یا کمی کرنا۔ #اپنی عزت بڑھانے کے لٸے بات کو بڑھا چڑھا کر بیان کرنا۔ #بات کو اس طرح گول مول بیان کرنا کہ سننے والا اصل بات نہ سمجھ سکے۔ #بات کو اس طرح توڑ مروڑ کر بیان کرنا کہ سننے والا بات کے اصل مطلب کے بجاۓ وہ سمجھے جو جھوٹا اُسے سمجھانا چاہ رہا ہو۔ #من گھڑت اور بے بنیاد بات کرنا۔ #کسی بارے جان بوجھ کر غلط راۓکااظہار کرنا۔ #استفسار پر دانستہ مبہم راۓیا جواب ۔ جھوٹ کی یہ تمام شکلیں کہیں مذاق کہلاتی ہیں ، کہیں مبالغہ آ راٸی ٗ کہیں الزام تراشی اور کہیں پر بہتان بن جاتی ہیں ٗ جھوٹ کبھی شیخی کی صورت میں ہوتا ہے کبھی یہ خوشامد کے روپ میں ہوتا ہے ٗجھوٹ محبت نفرت انا اور ضد کی علامت بن کر بھی سامنے آتا ہے ، بڑھک ماری جاۓ یا بھرم رکھا جاۓ دراصل سب جھوٹ ہے۔ جھوٹے کا مسٸلہ کیا ہوتا ہے؟ جھوٹے کا ایک ہی مسٸلہ ہوتا ہے وہ یہ کہ جھوٹا سچاٸی تسلیم نہیں کرتا کہیں اپنی کہیں دوسروں کی اور کہیی حالات کی! جھوٹے کی نفسیات جھوٹ بولنا انسانی نفسیات کی منفی عادت ہے اس عادت کا براہِ راست تعلق انسان کی ذات اس کی انا اس کی ُ میں ٗ سے جڑا ہوتا ہے۔جھوٹا انسان بنیادی طور پر کمزور ہوتا ہے اسی لۓوہ سچاٸی سے آنکھ چراتا ہے دوسرا یہ کہ جھوٹا مغرور ہوتا ہے کیونکہ وہ سچاٸ تسلیم نہیں کرتا بلکہ اس کا انکار کرتاہے سب سے بڑھ کر یہ کہ جھوٹا سرکش ہوتا ہے وہ سچاٸی کو اپنی زبان کے بل پر بدلنے کی کوشش کرتا ہے جو کہ یقینناً قدرت کے فیصلوں کے سامنے گستاخی اور بے عقلی ہے یہ سرشت بےلگام ہوکر قدرت کے فیصلوں کے خلاف بغاوت تک بھی پہنچ جاتی ہے۔ جھوٹے کا مزاج جب ایک انسان جھوٹ بولتا ہے تو اس کے پیچھے اس کی ضرورت نہیں ہوتی عادت ہوتی ہے جو جھوٹ بولنے میں سہولت پاتی ہے اس کےاپنے خیالات اس کی اپنی ذاتی وجوہات ہوتی ہیں اس کی اپنی پسند ناپسند ہوتی ہے جس کی بنیاد پر وہ جھوٹ بولتا ہے یہی وجہ ہوتی ہے کہ جھوٹا انسان بڑی مشکل سے کسی کی جاٸز تعریف کرتا ہے کسی کی اچھاٸی کو پہچاننے میں اسے ماننے میں اسے بڑا مسٸلہ ہوتا ہے ۔تنقید نکتہ چینی عیب جوٸی اور سب سے بڑھ کر حسد جھوٹے کے اندرپایا جاتا ہے ۔اس میں خیر کا مادہ بھی اس کے اپنے مفاد سے جڑا ہوتا ہے اور وہ اپنے آپ کو بڑا سیانا اور ہوشیار سمجھتا ہے۔ جھوٹوں کی اقسام کچھ لوگ نہ چاہتے ہوۓ بھی جھوٹ بول جاتے ہیں یعنی ان کا ارادہ جھوٹ بولنے کا نہیں ہوتا لیکن وقتی صورتحال سے مغلوب ہوکر ان کے منہ سے جھوٹ پھسل جاتا ہے لیکن موقع پرستی کی اس کیفیت میں صادر ہوجانے والا جھوٹ ان کے لۓ قلبی بے اطمینانی کا باعث بنتا ہے انھیں اپنی غلطی کا احساس ہوتا ہے اور وہ آٸندہ اسے نہ دہرانے کا عزم کرتے ہیں اب انسان ہونے کے ناطے یہ اپنے ارادے پر قاٸم نہ رہ سکیں تو یہ ایک مختلف بات ہے لیکن یہ جھوٹ بول کر خوش نہیں ہوتے جھوٹ بولنا ان کے لٸے پریشان کن ہوتا ہے۔ جھوٹوں کی دوسری قسم وہ ہے جو موقع پرستی کے لحاظ سے جھوٹ بولنا جاٸز تصور کرتے ہیں اور جب یہ اسے غلط ہی نہیں سمجھتے تو اسے چھوڑنے کاسوال ہی پیدا نہیں ہوتا تو پہلے اس قسم کے لوگ جھوٹ بولتے ہیں بعد ازاں جھوٹ خود عادت کے موافق حسب موقع ان کی زبان سے جاری ہونے لگتا ہے کیونکہ ان کے ذہنوں نے کُلیہ طے کرلیا ہوتا ہے لہذا بعد میں یہ کلیہ خودکار طریقے سے لاگو ہونے لگتا ہے اس پر نہ انھیں خوف ہوتا ہے نہ شرمندگی! تیسری قسم سراسر جھوٹے لوگوں کی ہوتی ہے یہ اس روانی سے جھوٹ بولتے ہیں کہ سچ اور جھوٹ کی بحث ہی سے آزاد ہو جاتے ہیں یہ مخاطب اور ماحول کی مناسبت سے اس طرح لبادہ اوڑھتے ہیں کہ ان کی اصل کی شناخت ممکن نہیں ہو پاتی۔یہ طبقہ بے وجہ جھوٹ بولتا ہے ۔ جھوٹ بولنے کے انداز عام طور پر یہ سمجھا جاتا ہے کہ جھوٹ صرف زبان سے بولا جاتا ہے جبکہ ہر وہ عمل جھوٹ کے زمرے میں داخل ہے جس کے ذریعے کسی بات کے حقیقی تاثر کو مسخ کرنے کی کوشش کی جاۓ یعنی بعض اوقات جھوٹ روٸیے اور لہجے سے بھی بولا جاتا ہے ایسی صورت میں اصل بات کو انداز اور آواز کے زور پر منفی تاثر سے بھر دیا جاتا ہے اور ایسا عام طور پر طنز تنگ نظری تعصب اور تنقید کی شکل میں ہوتا ہے۔ جھوٹ کی پہچان یا پکڑ اور فیصلہ کون کرے؟ اس بحث میں یہ نکتہ اٹھتا ہے کہ جھوٹ کی شناخت کیسے کُھلتی ہے؟بے شک کبھی کبھی جھوٹ سامنے آجاتا ہے لیکن حقیقت یہی ہے کہ بظاہر جھوٹے کا کاروبار رواں رہتا ہے.دراصل جھوٹ چونکہ ایک روحانی عارضہ ہے اس وجہ سے اس کا راز خود جھوٹے ہی کو معلوم ہوتا ہے چہ جاٸیکہ کسی پر جھوٹے کی مہر نہ لگ چکی ہو۔ جھوٹ نیت یعنی دل سے شروع ہوتا ہے اور زبان پر آکر مکمل ہوتا ہے۔ جھوٹ براٸی کیوں ہے اور اس سے گریز کیوں کیا جائے؟ جھوٹ بولنا ایک روحانی بیماری ہے یہ انسانی نفسیات کو بگاڑتی ہے جب یہ کسی مزاج کا حصہ بن جاتی ہے تو اس کی شخصیت اور ماحول دونوں ہی کو خراب کرتی ہے۔جھوٹ مکمل طور پر انسان کا ذاتی فعل اور اس کی خود اختیاری کا شاخسانہ ہوتا ہے لِہٰذا ذاتی طور پر ہمیں یہ بات سمجھنے اور اس پر عمل کرنے کی ضرورت ہے کہ انسان اصل میں دخل دینے اور اسے بدلنے کا قطعی مجاز نہیں ہے کیونکہ ایسا کرنے کا مقصد سواۓدھوکہ دہی کے کچھ

What Are the Benefits of Podcasting in Cutting edge Publicizing? We wreck down the several benefits of podcasting (6 reasons) and how might affect your undertaking for the higher. Sound substance material publicizing is winding up an essential a piece of automated advancing. As extra people are moving from using workspaces to the use of cell gadgets,podcasts are gaining more appreciation with this shift. This is an aftereffect of the truth cell devices help individuals with centering and down load advanced accounts each time they need. People don’t continually have satisfactory chance to pay interest on visual substance material. They need something they’re prepared for eat up on comparative time as moving toward their consistently works out. Thusly, what makes podcasting a higher condition of cutting edge publicizing in examination to the rest? Gives You an Edge over Your Adversaries Most organizations are working on their advancing and publicizing approaches reliably. If you don’t do some issue about it, you’re possibly to fall inside the lower back of in pay and lose a degree of the market on your obstruction. The usage of advanced accounts offers you a more prominent expansion inside the perpetually exhibiting worldwide. Since a great many people are zeroing in on visuals, podcasting will help you stick out and clutch the interest of various clients. Accepting at least for now that you’re not commonly ensured in any kind of mood of mind-set to convey an undertaking phenomenal web recording, you may steadily pick a webcast business chief. There are numerous peak computerized broadcast creation relationship to pick out from set up totally absolutely concerning your assets and present day wishes.Takes less time in assessment to recording movies or making articles to submit to your net site page or weblog. All you need is a staggering sound recording to make the fair webcast episode. It’s More Sensible and Easy to Make The well point around recording sound is that it needn’t bother with an expert boss. All you truly need is a respectable mouthpiece, a strong recording programming program, and several minor evolving. Your substance material can arise out of the stuff you do on a consistently foundation. Check those out accepting you need assistance with modifying or conveying appropriate extraordinary sounds. Advanced accounts Are More Profitable to Consume. Accepting you’ve anytime tried to play out a little craftsmanship inside the working environment or at local while though glancing through TV, then, you definately are aware of how hard it might be to perform different undertakings. In any case, the vast majority show-stoppers while notwithstanding zeroing in on tune or radio. This is the general concept that drives advanced accounts. Clients can notice advanced accounts on the undefined time as voyaging, working or doing unequivocal games works out. You don’t ought to leave how you are paying interest on what you are being aware of. Clients can zero in on your substance material surface even as using or maybe as exercise. Makes More Leads Particularly like every single condition of virtual publicizing, the standard point of computerized accounts is to make leads. You need to recollect a CTA for the stop of each advanced transmission. Give records around how crowd individuals can get you. A part of the data you can give represent email, undertaking area or your web site. Make fine there is a clean CTA around the completion of every episode. Builds an Extraordinary cooperation with Crowd individuals Not in the least like made text, sound unendingly publicizing has an approach to bantering with limit clients on a non-public foundation. Right when people center your voice, they will more often than not get you higher. It works with in building fitting associations close by your clients and further creating pay. The more individuals keep on noticing your voice the more captivated they’re to see extra about what you give. Presents a Superior methodology for Getting Money For associations that have sorted out some way to procure a huge following of webcast allies, this can be a method for making two or three extra benefit. Other than the use of your webcasts to grandstand your organizations or things, you could include it as a way to deal with making extra advantages from advertisers who pay for quick live readings. This should, yet, be done keenly to make an effort not to drop omnipresence on what the webcasts are imagined to supply. Podcasting is a dependable and more reasonable sort of publicizing and advancing and publicizing and exhibiting that every business try ought to involve. Get the right advanced broadcast host and recording gadgets to make this consider the effects you want. The Bottom Line Podcasting is a reliable and lower assessed kind of publicizing that each attempt need to embody. Get the right webcast host and recording stuff to make this give you the results you really want.

روزے کے متفرق احکام ومساٸل اور روزے کی شرعی تعریف کیا ہے؟ دوستوں اس کے ساتھ ساتھ آج ہم سیکھیں گے کہ روزے کی نیت کس طرح کرنی چاہیے۔ اور اس کے علاوہ بھی روزہ کے مطلق آپ اس میں بھت کچھ جان سکھتے ہیں۔ ========مضامین=========== روزہ رکھنے کی نیت۔ روزہ کی حالت میں بیوی کے ساتھ سونا۔ روزہ کب فرض ہوا۔ انجکشن سے روزہ۔ روزہ کے مسائل۔ قے سے روزہ ٹوٹنے کا حکم۔ روزہ کے مسائل سوال: روزہ کے شرعی تعریف کیا ہے؟ جواب: مسلمان کا بہ نیت عبادت صبح صادق سے غروب آفتاب تک اپنے آپ کو قصدا کھانے پینےاور جماع سے باز رکھنا شراعًا روزہ ہے۔ سوال: روزے کی کتنی قسمیں ہیں ؟ جواب: روزے کی پانچ قسمیں ہیں۔  فرض واجب  نفل  مکروہ تنزیہی  مکروہ تحریمی. سوال: فرض روزے کون سے ہیں؟ جواب: اس کی دو قسمیں میں ہیں۔  فرض معین جیسے اداٸے رمضان۔  فرض غیر معین جیسے قضائے رمضان۔ سوال: واجب روزے کون سے ہیں؟ جواب۔ اس کی بھی دو قسمیں ہیں۔ واجب معین جیسے نذر معین۔  واجب غیر معین۔ سوال: نفل روزے کون سے ہیں؟ جواب: نفلی روزہ یہ ہیں۔ عاشورا یعنی دسویں محرم کا روزہ، اور اس کے ساتھ نویں کا بھی اور ہر مھینے میں تیرھویں، چودھویں، پندرھویں عرفہ کا روزہ، پیر اور جمعرات کا روزہ، شوال کے چھ دن کے روزے، داؤد علیہ السلام کے روزے، یعنی ایک دن روزہ ایک دن افطار۔ ان میں سے کچھ مسنون ہے کچھ مستحب۔ سوال مکروہ تنزیہی کون سے روزے ہیں؟ جواب۔ مکروہ تنزیہی یہ ہیں صرف ہفتہ کے دن روزہ رکھنا  صوم دھر (یعنی ہمیشہ روزہ رکھنا)  صوم سکوت(یعنی ایسا روزہ جس میں کچھ بات نہ کرے)  صوم وصال کا روزہ یعنی ایک دن روزہ رکھ کر افطار نہ کرے اور دوسرے دن بھر روزہ رکھے۔ ( فتوی ہندیہ کتاب الصوم، الباب الاول جلد نمبر 1، ص194، درمختار و رد المحتار، کتاب الصوم) سوال: مکروہ تحریمی کون سے روزے ہیں؟ جواب: عید اور ایام تشریق کے روزے۔ سوال: روزہ کب فرض ہوا جواب: تحویل قبلہ کے بعد 10. شعبان المعظم کو اللہ تعالی نے مسلمانوں پر روزے فرض کئے جیسا کہ علامہ علاٶالدین الحصکفی رحمۃ اللہ علیہ فرماتے ہیں کہ: ”وفرض بعد صرف القبلة الکعبة العشر في شعبان بعد الهجره بسنه ونصف“ یعنی روزہ ہجرت کے ڈیڑھ سال بعد اور تحویل کعبہ شریف کے بعد 10 شعبان کو فرض کیا گیا۔ روزہ رکھنے کی نیت سوال : روزے کی نیت کب تک کر سکتے ہیں؟ جواب: ادائے روزہ رمضان اور نذر معین اور نفل کے روزوں کے لیے نیت کا وقت روزہ افطار کے بعد سے نصف النہار شرعی سے پہلے پہلے تک ہے،اس پورے وقت کے دوران آپ جب بھی نیت کر لیں گے یہ روزہ ہو جائیں گے۔ ( در مختار و رد المحتار کتاب صوم جلد 3 صفحہ نمبر 392) ادائے رمضان اور نذر معین اور نفل کے علاوہ باقی روزے مثلًا قضاٸے رمضان اور نذرِ غیر معین اور نفل کی قضا یعنی نفلی روزہ رکھ کر توڑ دیا تھا اس کی قضا،اور نذر معین کی قضا اور کفارے کا روزہ اور تمتع کا روزہ ان سب میں عین صبح کے وقت یا رات میں نیت کرنا ضروری ہے۔ نوٹ: دن میں وہ نیت کام کی ہے کہ صبح صادق سے نیت کرتے وقت تک روزے کے خلاف کوئی امر نہیں پایا گیا ہواور اس کے بعد بھول کر کھا پی لیا یا جماع کرلیا تو نیت صحیح ہو جائے گی کیونکہ بھول کر اگر کوئی ڈٹ کر بھی کھا پی لے تو اس سے روزہ نہیں جاتا۔ سوال: روزے کی نیت کیسے کریں گے؟ جواب: نیت دل کے ارادے کا نام ہے زبان سے کہنا شرط نہیں،مگر زبان سے کہہ لینا مستحب ہے اگر رات میں روزہ رمضان کی نیت کرے تو روزہ رکھنے کی یہ دعا پڑھے۔ نویت ان اصُوم غدا لله تعالى من فرض رمضان۔ ترجمہ: میں نے نیت کی اللہ عزوجل کے لئے اس رمضان کا فرض روزہ کل رکھوں گا۔ اگر دن میں نیت کرے تو روزہ رکھنے کی یہ دعا پڑھے ۔ نویتُ ان اصوم هذا اليوم لله تعالى من فرض رمضان ترجمہ: میں نے نیت کی کہ آج کے دن اللہ عزوجل کے لئے اس رمضان کے اس دن کا فرض روزہ رکھوں گا۔ سوال: اگر یوں نیت کی کہ کل کہیں دعوت ہوئی تو روزہ نہیں اور نہ ہوٸی تو روزہ ہے“ تو کیا حکم ہے؟ جواب: اگر یوں نیت کی کہ کل کہیں دعوت ہوئی تو روزہ نہیں اور نہ ہوئی تو روزہ ہے یہ نیت صحیح نہیں ہے روزہ نہ ہوا سوال: رات میں روزے کی نیت کرنے کے بعد کھا پی لیا تو کیا حکم ہے؟ جواب: غروب آفتاب کے بعد سے لے کر رات کے کسی وقت میں بھی نیت کی پھر اس کے بعد رات ہی میں کھایا پیا تو نیت نھیں ٹوٹی، وہوئی پھلے ہی کافی ہے پھر سے نیت کرنا ضروری نھیں۔ سوال: روزے توڑنے کی صرف نیت کرنے سے کیا روزہ ٹوٹ جائےگا؟ جواب: روزے کے دوران توڑنے کی صرف نیت کرنے سے روزہ نہیں ٹوٹے گا جب تک توڑنے والی کوئی چیز نہ کرے۔ یعنی صرف یہ نیت کرلی بس میں روزہ ٹوڑ ڈالتا ہو تو اسطرح اس وقت تک روزہ نہیں ٹوٹے گا جب تک توڑنے والی چیز استمعال نہ کرے۔ سوال: کیا سحری کھانا نیت شمار ہوگا؟ جواب: سحری کھانا بھی نیت ہی ہے، خواہ رمضان کے روزے کے لئے ہو یا کسی اور روزے کے لیے مگر جب سحری کھاتے وقت یہ ارادہ ہے کہ روزہ نہ رکھوں گا تو یہ سحری کھانا نیت نہیں۔ سوال: کیا رمضان کے شروع میں رمضان کے تمام روزوں کی اکھٹی نیت کی جا سکتی ہے؟ جواب: رمضان المبارک کی ہر روزے کے لئے نٸی نیت ضروری ہے۔پہلی تاریخ یا کسی بھی اور تاریخ میں اگر پورے ماہ رمضان کے روزے کی نیت کر بھی لی تو یہ نیت صرف اسی ایک دن کے حق میں ہے، باقی دنوں کے لئے نہیں۔ سوال: اگر کئی روزے قضا ہو گئے ہوں،تو نیت کیسے کی جائےگی؟ جواب: کٸی روزے قضا ہو تو نیت میں یہ ہونا چاہیے کہ اس رمضان کے پہلے روزے کی قضا دوسرے

               ان الدین عند اللہ الاسلام اس دنیا میں بہت سارے دین و مذاہب ہیں پر مکمل دین اسلام ہی ہے۔ اسلام سے پہلے جتنی بھی شریعت اللہ تبارک و تعالی نے نازل لیں سب میں ردو بدل ہو گیا ہے۔ لیکن اللہ نے نبی کریم ﷺ کے اوپر جو شریعت نازل کی قران کی صورت میں وہ آج بھی بنا کسی ردو بدل کے موجود ہے اور ہمیشہ محفوظ رہے گی۔ لہزا جو شخص بھی رضاۓ الہی کو مد نظر رکھتے ہوۓاسلام قبول کرتا ہے اس کو چاہیے کہ ارکان اسلام کو اچھی طرح سمجھ لے اوراسمیں کوتاہی نہ کریں۔                               ارکان اسلام نمبر1) کلمہ: لا إله الا اللہ محمد رسول الله اس کلمہ کے دو جز ہیں اور دونوں پر ہی دل سے یقین کرنا ضروری ہے۔ بنا سدق دل کے اقرارکے ہم سچے مسلمان نہیں بن سکتے ہیں۔ کلمہ کا پہلا جز “لا إله إلا الله” ہے  یعنی ہم دل سے اللہ کی وحدانیت کو قبول کرتے ہیں اور اس کل اختیار کل کا مالک مانتے ہیں۔ ہم اس بات کا اقرار کرتے ہیں کہ سب کا خالق و مالک وہی ہے اور اسکے حکم کے بنا پتہ بھی نہی ہل سکتا۔ کلمہ کا دوسرا جز “محمد رسول الله ” یعنی محمد ﷺ اللہ کے آخری رسول ہیں۔ آپ پر وحی کے ذریعے قران نازل کیا گیا ہے اپ نے خود سے کچھ نہیں کہا ہے۔ نمبر2) نماز قد افلح المؤمنون الذین ھم فی صلاتھم خشعون دین اسلام میں نماز کی بہت اہمیت ہے کیونکہ نماز ہی مومن و کافر کے درمیان فرق کرتی ہے۔ الہ تبارک و تعالیٰ نے ہم پر دن میں پانچ نمازیں فرض کی ہیں۔ ہمیں اس کو پورے خشوع و خضوع کے ساتھ ادا کرنی چاہیے۔ قران و حدیث میں جا بجا نماز قائم کرنے کا حکم دیا گیا ہے اور اس کی بہت زیادہ فضیلت بیان کی گئی ہے۔ نمبر3) زکوۃ اقیموا الصلوۃ و آتوا الزکوٰۃ قران میں جہاں کہیں بھی نماز قائم کرنے کی تاکید کی ہے وہیں زکوۃ ادا کرنے کی تاکید بھی کی ہے۔(زکوۃ اس شخص پر فرض ہے جس کے پاس ایک مقرر مقدار میں مال پورے سال موجود رہے۔ )زکوۃ ادا کرنے سے ہمارا مال پاک ہو جاتا ہے۔ مال میں برکت ہوتی ہے۔ ضرورت مندوں کا بھلا ہوتا ہے۔ وہ ہمیں دعائیں دیتے ہیں اور ہمارے دلوں سے مال کی محبت کم ہوتی ہے۔ نمبر4) روزہ یا ایھا الذین آمنوا کتب علیکم الصیام کما کتب علی الذین من قبل کم لعلکم تتقون پورے سال میں رمضان کا روزہ ہم پر فرض ہے۔ اس ماہ میں ہم خاص کر  اللہ تبارک و تعالی کیلیے بھوکے پیاسے رہتے ہیں اور حتی الامکان گناہوں سے پرہیز کرتے ہیں۔ روزہ رکھنے سے ہم میں تقوی و پرہیزگاری کی صفت آتی ہے۔ ہمیں اپنے نفس کو قابو کرنا آتا ہے۔ نمبر5) حج ولله علی الناس حج البیت من استطاع الیہ سبیلا حج اللہ نے صاحب استطاعت حضرات پر پوری زندگی میں صرف ایک بار فرض کیا ہے۔ کیونکہ دین کے بقیہ ارکان تو ہم دنیا کے کسی بھی حصہ سے ادا کر سکتے ہیں لیکن حج کیلیے مکہ جانا اور حج کے تمام ارکان ادا کرنا ضروری ہے۔ مختصر یہ کہ ارکان اسلام کو ہم تین حصوں میں تقسیم کر سکتے ہیں اور ان پر ایمان لانا اور عمل کرنا ضروری ہے۔ نمبر1) کلمہ کا دل و زبان سے اقرار کرنا۔ نمبر2) بدنی عبادت: نماز اور روزہ نمبر3) مالی عبادت: زکوۃ اور حج۔ فلک نوری falaknoori268@gmail.com

میں نے بہت سوچا پھر اس موضوع پر لکھنے کی جسارت کی،مجھے نہیں معلوم لوگ اس مضمون کو کون سا چشمہ لگا کر پڑھیں گے لیکن مجھے جو کہنا ہے میں کہ کر رہوں گا۔تو چلئے سیر کرتے ہیں اس دور کی جب موبائل لفظ سے بھی کوئی واقف نہیں تھا۔اس دور کا سماجی رکھ رکھائو کیسا تھا۔ایک چھوٹی سی مثال سے اسے سمجھ لیتے ہیں۔ موبائل کی دنیا سے پہلے اگر کوئی دور کا رشتہ دار بیمار یا کسی اور پریشانی میں پڑ جاتا تھا تو یا تو کسی شخص سے کہ کر وہ اپنی حالت سے اپنے رشتہ داروں کو آگاہ کرتا تھا یا خود ان کے پاس جاکر اپنی تکالیف کو دور کرتا تھا ۔اب ایسا نہیں رہا، لوگ موبائل پر ہی اپنی خیریت دیدیتے ہیں اور ان کی بھی خیریت لے لیتے ہیں۔ اس سے انہیں لگتا ہے کہ انکا وقت بھی بچ گیا اور رشتہ کا فریضہ بھی ادا ہو گیا۔اسلامی تعلیمات پر اگر نظر ڈالیں تو بیمار کی تیمارداری کرنا ایک عظیم عمل میں شمار ہوتا ہے۔اس موبائل نے اسے سب سے پہلے اس کار خیر کرنے سے روکا۔دوسری ایک اور اہم چیز عرض کرتا چلوں کہتے ہیں جو نظر سے دور وہ دل سے دور۔یہ حقیقت ہے اگر آپ کسی اپنے سے بہت زیادہ دنوں تک دور رہے تو سمجھئے آپ کے دلوں میں محبت کے جو جذبات ایک دوسرے کے لئے پہلے جیسے تھے وہ شاید ہی رہیں کیوں کہ انسان ہو یا حیوان جب وہ بہت زیادہ دنوں تک کسی ایک طرح کی زندگی گزارنے کا عادی ہو جاتا ہے تو پھر اسکا اپنی عادتوں کو تبدیل کرنا نا ممکن ہو جاتا ہے۔ہم انسان ویسے تو ایک ہی فورمیٹ پر بنے ہوئے ہیں لیکن پھر بھی ہمارے خیالات ایک دوسرے سے جدا ہوتے ہیں۔ سماج میں جب انسان رہتا ہے تو وہ ان جدا خیالات کے رہتے ہوئے اپنی ذمہ داریوں کو پورا کرتا ہوا زندگی کے سفر کو آگے بڑھاتا رہتا ہے لیکن جب سے موبائل نے انسانوں کی زندگیوں میں اپنے پیر پسارے ہیں اسنے ساری توجہ اپنی طرف مرکوز کرادی ہے۔موبائل انسان کو سماجی رشتہ جوڑنے کے بجائے ایک خیالی دنیا کی طرف بڑی تیزی سے دھکیل رہا ہے۔لوگ اس موبائل کے فریب میں اتنے پھنس چکے ہیں کہ گھر میں ماں باپ کی فکر کے بجائے وہ دنیا جہاں کے معاملات میں کھوئے رہتے ہیں ۔اس سے پہلے انسان خود اپنے تجربات کی روشنی میں ایک سمجھ رکھتا تھا۔وہ اپنی صلاحیتوں کو پروان چڑھاتا تھا۔آج جو میں آپ کے سامنے یہ باتیں لیکھ رہا ہوں مجھے کسی موبائل سے میسر نہیں ہوئیں یہ میری اپنی صلاحیت ہے جو میں نے سماج کے بیچ رہ کر حاصل کی ہے۔موبائل ہمیں ورچوئل زندگی میں شب و روز الجھائے رہتا ہے۔ہم اپنی ذمہ داری بھول کر دوسروں کی زندگیوں کی تاکہ جھانکی میں لگ گئے۔ تعلیمی ادارے ہوں یا مذہبی سب کی روح معدوم کرنے والا یہ اکلوتا موبائل ہے۔ہم اپنی عبادات کو بھی موبائل کے سہارے پائے تکمیل کو پہنچا تے ہیں۔عمرہ و حج ہو جمع ہو روزہ ہو زکات ہو یا کوئی اور خیر کا کام ہو جب تک اسے موبائل کی اسکرین پر قید نہیں کرتے ہمیں ایسا لگتا ہے جیسے کوئی اہم فریضہ ہم سے چھوٹ گیا ہو۔ جھوٹ اتنا پھیل گیا ہے کہ ہم  اپنے رشتہ داروں کے مرنے تک میں کام کا بہانہ لیکر موبائل سے ہی تعزیت دے دیتے ہیں۔سوچنے والی بات یہ ہے ہم صرف اب ویڈیو کال پر ہی اپنی ذمہ داریوں کو نبھانا پسند کرنے لگے۔بیٹا باپ سے دور ،بھائ بھائ سے دور،دوست دوست سے دور ہاں سب ایک ہیں کیوں کہ سب اپنے کاموں میں مصروف ہیں۔اس لئے ویڈیو کال کر کے دلوں کو اطمنان مل جاتا ہے۔آپ کو بتا دوں اس طرح کی زندگی جیتے جیتے کئی ماں باپ بھائی بہن اور دوست اس دنیا سے رخصت ہوگئے اسی نہج پر زندگی گزارتے گزارتے کہ روزانہ یا ہفتہ میں ایک دو بار ہماری بات ہوتی رہتی ہے۔بہت سے لوگ کہیں گے کہ موبائل نے آسانی پیدا کر دی دور بیٹھے اپنے عزیز کا حال تو کم سے کم اب فورا پتہ چل جاتا ہے پہلے تو یہ سہولت تھی ہی نہیں، تو میں آپ کو بتا دوں موبائل وہ واحد ذریعہ بن گیا ہے جو اپنوں کو ملنے بھی نہیں دیتا۔یہی سوچ کر کہ بات تو ہو جاتی ہے۔ماں باپ کی خدمت بہن بھائیوں کے دکھ درد کو ساتھ رہ کر سمجھنے کی جو فضیلت اور ثواب  تھا دن بہ دن اس سے دوری بڑھتی جا رہی ہے۔ ہم نے اپنوں سے دور رہنا سیکھ لیا ہے کیوں کہ ہمارے پاس ۔۔ موبائل ہے۔ از شباب پرویز نیو دہلی 00919368127846