پاکستان میں برطانوی کورونا ویکسین کے ہنگامی استعمال کی اجازت مِل گئی۔ ڈریپ کراچی میں قائم دوا ساز کمپنی کو آسٹرا زینکا کورونا ویکسین درآمد کرنے کی اجازت مِل گئی ہے ، 2 سے 3 مزید ویکسینیں بھی پاکستان درآمد کرنے کا امکان ہے۔ تفصیلات کے مطابق ، ڈرگ ریگولیٹری اتھارٹی آف پاکستان نے پاکستان میں پہلی کورونا ویکسین کے استعمال کی منظوری دے دی ہے۔
ڈریپ نے برطانوی کورونا ویکسین ، آسٹرا زینکا کے ہنگامی استعمال کی اجازت دی ہے۔ ذرائع کا کہنا ہے کہ کراچی میں قائم دوا ساز کمپنی نے برطانوی کورونا ویکسین کے استعمال کی اجازت طلب کی تھی۔ درخواست موصول ہونے کے بعد ، ڈریپ نے اجازت دے دی ، جس کے بعد اب کراچی میں قائم دوا ساز کمپنی اسٹرا زینکا کی کورونا ویکسین پاکستان میں درآمد کرے گی۔
درآمد شدہ برطانوی ویکسینوں کی قیمت کا فیصلہ حکومت کرے گی ، جب کہ آئندہ ڈریپ بورڈ کے اجلاس میں پاکستان کو 2 سے 3 مزید ویکسینوں کی درآمد کی اجازت دی جائے گی۔
اس سلسلے میں وفاقی وزیر اور این سی او سی کے سربراہ اسد عمر نے کہا کہ ہم نے کہا ہے کہ یہ ویکسین پہلی سہ ماہی میں آئے گی اور یہ ویکسینیشن شروع ہوگی۔ جس کے لیے 3 لاکھ صحت کارکنوں نے ویکسین کے لئے اندراج کیا ہے۔ ایک ویکسین اسٹرا زنیکا ڈریپ نے استمال کرنے کی اجازت دی ہے۔ سائنوفارم کی پرنسپل ٹیکنیکل کمیٹی کے ذریعہ ہنگامی استعمال کی منظوری دی گئی ہے۔ سائنوفارم ویکسین کے نام کا فیصلہ پیر تک کیا جائے گا۔
اس سے دو ویکسین کو حتمی شکل دی جائے گی۔ تیسری ویکسین کے ٹرائل فروری کے وسط تک مکمل ہوجائیں گے۔ اگر نتائج مثبت آئے تو تیسری ویکسین مارچ تک دستیاب ہوگی۔ صوبوں اور نجی شعبے کو ویکسین کی درآمد کی مکمل اجازت ہے۔ سندھ حکومت ویکسین درآمد کروانے میں، ان کی حوصلہ افزائی کرے گی۔
