طلبہ کی زندگی میں نظم وضبط

In شوبز
January 03, 2021

طالب علمی کا دورانیہ ہر انسان پر زندگی میں ایک مرتبہ آتا ہے ہر انسان کا اس پہلو سے مختلف یادیں جڑی رہتی ہے .جسکو ہر انسان زندگی بھر یاد رکھتا ہے. طالب علم کی زندگی میں نظم وضبط اور قانون کے احترام کی اہمیت بہت زیادہ ہے.اس کے لئے ضروری ہےکہ سٹوڈنٹ اپنے تمام کاموں کے اوقات مقرر کرلے ,وقت پر سوئے,وقت پر جاگے,وقت پر سکول جائے,اپنے یونیفارم, بالوں اور جوتوں کا خیال رکھے.

اسی طرح سکول کے اندر کے قواعد وقوانین کا احترام کرنا,توجہ سے تعلیم حاصل کرنا,اپنے اساتذہ کا کہا ماننا,سکول کے قوانین کی پابندی کرنا,کمرہ جماعت میں حاضر رہنا وغیرہ یہ سب نظم وضبط اور قانون کے احترام سے ہی ممکن ہے. اسکول کے علاوہ گھر اور گھر سے باہر بھی صفائی کا خیال رکھنا, آلوددگی سے بچنا اور قطار بنانا اور دوسروں کا جائز حق نہ کھانا, اسی طرح کام اور ملازمت کی جگہوں میں جاتے وقت اوقات کار کی پابندی کرنا اور اپنے فرائض کی مکمل ادائیگی کرنا بھی نظم وضبط ہے. نظم وضبط اور قوانین کا احترام نہ صرف ایک شخص کی انفرادی زندگی میں اہمیت رکھتا ہے بلکہ اجتماعی زندگی کی فلاح وترقی کا دارومدار بھی اسی پر ہے. جب انسان کو یہ معلوم ہوتا ہے کہ اس کے پاس کسی کام کو کرنے کے لئے چوبیس گھنٹوں کا وقت ہے .تو وہ سستی اور کاہلی کا شکار ہو جاتا ہے. اس کم کو ایک وقت سے دوسرے وقت پر ٹالا جاتا ہے حتٰی کہ ہفتہ گزر جاتا ہے اور وہ کام ادھورا رہ جاتا ہے.لیکن جب کاموں کے اوقات مقرر ہوں تو مقررہ وقت کے آنے پر انسان اپنے فرائض کو یاد رکھتا ہےاور تمام کام پابندی کے ساتھ بلاناغہ پورے ہوجاتے ہے.

یہی حال وقت پر نمازوں کے ادا کرنے میں ہے.اہل ایمان کی یہ شان ہے کہ وہ اپنے نمازوں کی حفاظت کرنے والے,ان کو ہمیشہ پابندی سے ادا کرنے والے اور ان کی نگرانی کرنے والے ہوتے ہیں. روزہ جیسی عظیم. عبادت مخصوص ماہ اور مخصوص اوقات میں چند قوانین کی پاسداری کرتے ہوئے ادا کیا جاتا ہے یعنی سحر سے لے کر شام تک انسان کھانے پینے سے رُکا ہوتا ہے. روزے کے بھی اللّہ تعالی نے اپنے قوانین بنائے ہے. جس کی پاسداری کرنا ہر کلمہ گو پر فرض ہے. روزے سے انسان ہشاش بشاش رہتا ہے .اور انسان کو دلی سکون بھی آتا ہے.حج جیسی عظیم عبادت بھی سال میں ایک دفعہ ادا کیا جاتا ہے.اسکا نظم وضبط یہ ہے کہ ایک مخصوص لباس یعنی احرام میں کچھ چیزوں مثلًا شکار اور خوشبو لگانے سے بچ کر اس فرض کو ادا کیا جاتا ہے اگر ان قوانین اور نظم وضبط کا خیال نہ رکھا جائے تویہ فریضہ ادا نہ ہوگا.اسلئے ہر مسلمان کو نظم و ضبط کا خیال رکھنا چاہئے.

/ Published posts: 1

A good thinker and also a good writer.

Facebook