حضرت جنید بغدادی رحمۃ اللہ علیہ کی خدمت میں کسی شخص نے تحفہ میں کوئی پرندہ بھیجا جس کو انھوں نے قبول فرما لیا اور ایک مدت تک اپنے پاس رکھ کر اس پرندے کو رہا کر دیا یہ دیکھ کر لوگوں نے آپ سے اس کا سبب دریافت کیا تو ارشاد فرمایا کہ اس پرندہ نے مجھ سے فریاد کی کہ جنید افسوس ہے کہ آپ تو اپنے احباب کی مناجات سے لطف اندوز ہوتے رہیں
اور میں بے مونس و غم خوارِ آپ کے اس پنجرے میں مقید رہوں میں نے اس کی یہ درد بھری فریاد سن کر اس کو آزاد کر دیا اور وہ پرندہ جاتے وقت یہ کہ کر اڑ گیا کہ جب تک کوئی پرندہ ذکر الٰہی میں مصروف رہتا ہے وہ جال کے پھندے سے آزاد رہتا ہے اور جہاں ذکر الٰہی سے غفلت ہوئی کسی نہ کسی جال کے پھندے میں پھنس جاتے ہیں میں تو صرف ایک ہی مرتبہ ذکر سے غافل ہوا تھا کہ مجھے اس کی سزا میں پنجرے کی قید میں مقید ہونا پڑا ہائے افسوس ان لوگوں کا کیا حال ہوگا جو اکثر بیشتر یاد الٰہی سے غافل رہتے ہیں حضرت جنید میں آپ سے مستحکم وعدہ کرتا ہوں کہ اب کبھی ایسا نہیں کروں گا اس کے کبھی کبھی وہ پرندہ حضرت جنید رحمہ اللہ کی زیارت کے لئے آتا اور دسترخوان پر ان کے ساتھ بیٹھ کر کھانا کھایا کرتا تھا چنانچہ جب حضرت جنید رحمہ اللہ کا انتقال ہوا تو تو وہ پرندہ بھی تڑپ کر زمین پر گر گیا اور اس کی روح پرواز کر گئی
یہ عجیب واقعہ دیکھ کر لوگوں نے اس پرندہ کو بھی حضرت جنید بغدادی رحمۃ اللہ علیہ کے ساتھ ہی دفن کر دیا اور مدت کے بعد حضرت جنید بغدادی رحمۃ اللہ علیہ کے مریدوں میں سے کسی نے ان کو خواب میں دیکھ کر دریافت کیا کہ حضرت آپ کے ساتھ کیا معاملہ کیا گیا تو حضرت نے جواب دیا کہ اس پرندے پر رحم کرنے کی وجہ سے اللّٰہ تعالیٰ نے مجھ پر بھی رحم فرما دیا