نیوزی لینڈ میں کھیلے گے پہلے کرکٹ ٹیسٹ میچ میں نیوزی لینڈ نے پاکستان کو با آسانی شکست دے کر دو میچوں کی سیریز میں ایک صفر سے برتری حاصل کر لی ہے۔ اس میچ کی خاص بات فواد عالم کی سینچری اور سینچری بنانے کے بعد ان کا جشن ہے۔فواد عالم جب میدان میں آئے تو پاکستانی ٹیم مشکلات کا شکار تھی فواد عالم نے ان مشکل حالات میں جم کر ذمہ داری کے ساتھ نیوزی لینڈ بالروں کا مقابلہ کیا۔
لیکن بد قسمتی سے سواۓ محمد رضوان کے کسی اور بیسٹمین نے فواد عالم کا ساتھ نہیں دیا جسکی وجہ سے پاکستانی ٹیم کو ٹیسٹ میچ میں شکست کا سامنا کرنا پڑا۔فواد عالم نے 269 بالوں پر 14 چوکوں کی مدد سے 102 رنز بنائے۔ فواد عالم کی سینچری پر پی سی بی اور آئی سی سی نے بھی انہیں خراج تحسین پیش کیا۔آئی سی سی نے تو ان کی موجودہ اور پرانی تصاویر بھی شیعر کیں۔پاکستان میچ تو ہار گیا لیکن فواد عالم کی سینچری نے ہار کا غم کچھ کم کر دیا۔ سینچری بنانے کے بعد فواد عالم نے بہت زبردست انداز میں گراؤنڈ میں جشن منایا جس پر کرکٹ حلقوں اور سوشل میڈیا پر فواد عالم کے اس جشن کو خوب سراہا گیا۔جب ان سے اس جشن کے بارے پوچھا گیا تو انہوں نے کہا کہ جب میچ سے پہلے اظہر علی سے بات ہو رہی تھی تو انہوں نے مجھے کہا کہ اگر آپ سینچری بناؤ گے تو اسطرح جشن منانا۔تو جب میں نے سینچری بنائی تو مجھے اظہر علی کے الفاظ یاد آ گئے تو میں نے اظہر علی کے لیے جشن منایا۔
فواد عالم کی بہت عرصے کے بعد ٹیم میں واپسی ہوئی ہے ۔انہوں نے آتے ہی آپنی پرفارمنس سے ثابت کیا کہ وہ ایک اچھے بیسٹمین ہے انہیں جب بھی موقع ملا جب بھی ان کی ٹیم میں واپسی ہوئی انہوں نے ثابت کیا کہ ہمیشہ ان کے ساتھ نا انصافی ہوئی ہے۔ فواد عالم نے کبھی بھی ہمت نہیں ہاری آپنی محنت اور لگن سے ٹیم میں واپس آتے اور آتے ہی آپنی پرفارمنس سے ثابت بھی کرتے کہ میں اس کے لیے اہل بھی ہوں۔ پی سی بی کو چاہیے کہ وہ ان سب چیزوں کا خیال رکھے اور جو لڑکا پرفارمنس دے رہا ہو بغیر کسی وجہ کے ٹیم سے ڈراپ نہ کیا جائے اور نہ کسی کے ساتھ نا انصافی ہو۔ ورنہ وہ وقت دور نہیں کہ پاکستانی کرکٹ ٹیم کا حال بھی پاکستان کے قومی کھیل ہاکی جیسا نہ ہو۔