روس سے سستا خام تیل آرہا ہے، مصدق ملک
وزیر مملکت مصدق ملک نے کہا ہے کہ روس سے سستا خام تیل آرہا ہے، پاکستان روس اور وسطی ایشیا کا گیٹ وے ہے۔ یہ تقریب روس کی نجی شپنگ کمپنی کے جہاز کی کراچی پورٹ پر آمد پر ہوئی۔
اس موقع پر مصدق ملک کا کہنا تھا کہ موجودہ حکومتی پالیسیوں کے باعث روس سے سستا تیل پاکستان آئے گا، روس سے تیل خریدنے کا کوئی دباؤ نہیں، امریکا کا کہنا ہے کہ روسی تیل کی خریداری پر کوئی اعتراض نہیں۔ مصدق ملک نے کہا کہ کم قیمت روسی تیل سے عوام کو فائدہ ہوگا، ایران سے گیس خریدنا چاہتے ہیں لیکن پاکستان پر پابندی نہیں لگانا چاہتے۔
انہوں نے کہا کہ خلیجی ریاست سے دو پیٹرول طیارے خریدنے کا معاہدہ کیا جائے گا، دنیا پاکستان کو تجارت میں آگے دیکھنا چاہتی ہے۔ ان کا مزید کہنا تھا کہ عمران خان نے ہر معاملے کو سیاسی بنا دیا۔
وزیر مملکت نے کہا کہ 10 بلین ڈالر کی ریفائنری میں سرمایہ کاری کا اعلان جلد کیا جائے گا۔
