(لندن) اسکول کے ایک چھوٹے بچے نے لاکھوں سال پرانا خزانہ ڈھونڈ لیا- غیر ملکی خبر رساں ایجنسی کے مطابق چھ سالہ چھوٹے بچے کو گھر کے باغیچے میں کھدائی کے دوران 488 ملین سال پرانا خزانہ مل گیا
مغربی مڈلینڈز کے سدک سنگھ اپنے گھر کے باغیچے میں کرسمس کے تحفے میں ملنے والی کٹ سے کھدائی میں مصروف تھا کہ اس دوران اچانک اسے ایک قیمتی خزانہ مل گیا -سدک سنگھ کا کہنا تھا کہ وہ اپنے باغیچے میں کھدائی کرنے میں مشغول تھا کہ اس دوران اسے کچھ سخت سی چیز محسوس ہوئی- وہ سمجھا کہ شاید کوئی چٹان کا ٹکڑا ہوگا -لیکن وہ ایک قیمتی مرجان کا ٹکڑا تھا -اور مجھے اس سے بہت خوشی ہوئی -سدک سنگھ کے والد کا کہنا تھا کہ ہمارے بچے کو عجیب و غریب ٹکڑا ملا تو ہم سب حیران تھے لیکن جب اس کی حقیقت معلوم ہوئی- تو ہماری خوشی کی انتہا نہ رہی-
