اساں دی جان بخشو

*اساں دی جان بخشو*
ہندکوء دی مشہور مہتل ہے سنڈ یہان چہوٹے ہاں دی لڑائی وچ بکرا مفتی مارا جاندا ایہہ حالت اس ویلے پاکستان دی عوام دی ہے حکومت دی تے حزب اختلاف والیاں دی لڑائی وچ عوام مفتی رگڑی گئ ہے حکومت نے تے الیکشن توں پہلے ایہہ وعدہ کیتا سی کہ اساں اقتدار وچ آکے عوام دا چوری کیتا پیسہ واپس لاساں عوام نوں سکھ ہی سکھ ہوسی ملک ترقی کرسی باہر دے ملکاں تو لوک پاکستان وچ نوکری لبھنڑ آسن مگر بدقسمتی نالے ایہہ حکومت عوام اور پاکستان واسطے اللہ دا قہر ثابت ہوئی ہے مہنگائی اتنی کر دتی کہ سفید پوشی دا بھرم ٹٹ گیا خودکشیاں دا ریشو ود گیا ہر طرفوں مایوسی ہی مایوسی ہے ڈھائ سالاں وچ حکومت نے حزب اختلاف دے احتساب دی آڑ وچ عوام نوں بھکاری بنا دتا اداریاں دی ستیا ناس کر دتی اساں دے دوست ملک دشمن بنڑ گئے حکومت دے اناڑی وزیراں دی غلط حکمت عملی دی وجہ نال ساری دنیا تے روزانہ جگ ہنسائی ہوندی رہندی اے اساں دےدشمنڑ ملک انڈیا دا میڈیا روزانہ مرچ مصالے لاکے اساں دے حکمراناں دی جگ ہنسائی کردا رہندا اے مگر مجال ہیکہ کسے نوں غیرت آوے ملک دا وقار تباہ کر دتا ہے جدوں بھی اناں دا ٹاک شو دیکھو تو آپس وچ اسطرح لڑدے نےکہ کشمیر آزاد کرنڑ چلے ہین اناں بڑاجھوٹ بولدے نے کہ اللہ معاف کرے اناں دا پروگرام کرنڑ والے میزباناں نوں بھی سوچنڑاں چا ہی دا کہ اہ عوام دا ٹائم کیوں ضائع کراندے ہین اس جھوٹ تو بہتر ہے عوام دی اکھاں وچ مرچاں پاؤ پھر اپنڑی مرضی کرو جدوں کوئی اخبار یا ٹی وی دیکھو تو سہاڈا وزیر اعظم سلطان راہی نالوں اکو نعرہ لواندہ نظر آندہ نئ چھڈاں گا میں انوں نہیں چھڈاں گا نہیں دیواں گا انوں نہیں دیواں گا مگر سمجھ نہیں آندے ایہہ کہہ کس نوں رہیا ہے جناں تے چوری دا الزام سی انوں خود ملک توں باہر پیھیج دتا ۔ وزیر اعظم دا مطلب عوام ہے ہونڑ تک جڑا بھی ظلم ہویا عوام نال ہویا لگدا ہے موجودہ سرکار عوام نوں بھوکا ننگا کر کے ہی چھوڑ سی گئ ہے عوام نوں عمران خان دے ڈائیلاگ نوں ہلکا نئ لینڑاں چاہی دا اک ہور نعرہ وزیر اعظم صاحب دا نئ دیواں گا NROنہیں دیواں گا عوام نوں کہ پتا NROکڑی بلا ہوندی اے عوام نوں عزت روٹی تعلیم روزگار صحت کاروبار چاہیدا ہوندا اے جڑا کہ وزیر اعظم کہندا اے نئ دیواں گا اور واقعی کچھ اس توں بھی بد تر ہورہیا ہے اس سرکار نے 500 فیصد مہنگپائ کیتی ہے ملکی تاریخ دے سب توں زیادہ قرضے لے چکی ہے سرکار تے ملک وچ بنیادی سٹر چکر تباہ ہورہیا ہے کوئی میگا پروجیکٹ شروع نہئ کیتا بلکہ پچھلے دور دے ترقیاتی کم بند کر دتے پاک چائنہ راہداری تے کم نہ ہونڑے دے برابر ہے سمجھ نئ اک بندے توں جمنڑ تالیکر مرنڑ تک زندگی دی ہر شے تے ٹیکس سرکار لیندی ہے اتوں غنڈہ ٹیکس بجلی گیس دیاں بلاں وچ لیندی اے سرکاری دفتراں دے کماں وچ غنڈہ ٹکیس لیندی ہے پہاڑاں نالوں قرضے وی چڑھا دتے پھر بھی ملک پچھے جارہیا ہے عوام دا بھوسہ کڈھیا جارہیا ہے ہر طرف تباہی ہی تباہی ہے روزانہ سرکار دے تے حزب اختلاف دے وزیراں دا چوری دا نوواں اسکینڈل آجاندا ہے اوہ بندہ عوام نوں کہ ریلیف دیسی جڑا دو سالاں وچ صحن وچ کھڑا ہوکر پڑوسیاں نوں چور چور دا شور مچا ندا اے مگر دوجے دروازے وچو اسدے اپنےچوکیدار گھر نوں خالی کرنڑ تے مصروف ہین سہاڈی بھولی بھالی عوام کدے سمجھے گی کہ اساں نال ہتھ ہوگیا ہے لگدا اے اساں دے وزیر اعظم نال وی کج ہتھ ہوگیا ہے اناں دے وزیر دسدے ہین سجی تے ماردے ہین کھبی, ,,تے شور مچاندے ہن اوہ جی پچھلے چور ہن کوئی معاشی نقصان ہوندا اے ایہہ پچھلیاں دا قصور اے اوہ اللہ دے بندیو تساں دی کابینہ وچ 4 درجن بادشاہ پچھلے ہین اسدا سدھا جا مطلب ہے پھر ایہہ بھی, ,,,,, ,,,
بارعل اگر پچھلے چور ہاسے تو تساں شاداں کولوں ہزار درجے بہتر ہاسے تساں دی کے پی کے وچ 8 سال توں حکومت ہے اتھے کڑی شہد دیاں نہراں بہہ رہیاں ہے عوام دی حا لت مخدوش ہے صحت تعلیم دی حالت ناگفتہ بہہ ہے اقرباء پروی تے رشوت خوری دا بازار گرم ہے عوام نوں اوہ پرانے چور ہی واپس کردو جناں دےدور وچ ہر بندہ خوشحال ہاسا آٹا 1400روپے ایک من ہاسا چینی 55 دی کلوہاسی پٹرول 75 دا لیٹرہاسا سی این جی 75 کلو دی ہاسی ڈالر 110 دا ہاسا غریب خوش ہا سا مزدور خوش ہاسا تاجر خوش ہاسا مقبوضہ کشمیر دا مسئلہ متنازعہ ہاسا ۔ملک وچ ہر طرف ترقیاتی کم جاری ہاسے غریب دی داد رسی ہوندی ہاسی تساں اڑھائی سالاں وچ سواۓ اپنڑے وزیر اں کبیراں تے آٹامافیاز چینی مافیاز ملکی دی ہر مافیاز تے پارٹی دے ورکراں دے مفادات تحفظات دے علاوہ عوام نوں نو سواۓ بدامنی رسوائی مہنگائی پولیس گردی ناانصافی لاقانونینت تجاوازت دے نام تے تباہی کورونا دی آڑ وچ رسوائی دے علاوہ عوام نوں کج دتا ہے زرا سامنڑے لاؤ نئ تو یا تو اساں دی جان بخشو یا پھر پہلے آلے چور لٹاؤ اگر کرسی مچ ہی پیاری ہے تو تساں بھی انھاں نالو ہی چور بنڑ جاؤ تے ملک نو دوبارہ اپنے ٹریک تے لے آؤ