وفاقی وزیر اطلاعات ونشریات فواد چوہدری نے کہا ہے کہ جلد پی ٹی وی کو پرافٹ والا ادارہ بنا دیں گے ، جلد بجلی کے بل میں پی ٹی وی کی مد میں لی جانے والی فیسں کو بھی ختم کر دیا جائے گا-سینٹ میں اظہار خیال کرتے ہوئے وزیر اطلاعات فواد چوہدری نے کہاکہ ہم پی ٹی وی کو پرافٹ والا ادارہ بنائیں گے ، کوشش ہے کہ جلد از جلد بجلی کے بل میں پی ٹی وی کی مد میں لی جانے والی فیسں ختم کر دیں ۔ انہوں نے کہاکہ حکومت پی ٹی وی کی اپ گریڈیشن کیلئے مناسب اقدامات اٹھا رہی ہے
پی ٹی وی کےہوم نیوز اور سپورٹس کو ایچ ڈی کر رہے ہیں ۔ پچھلی حکومتوں نے ناجائز بھرتیاں کیں،پاکستان ٹیلی ویژن میں اب اصلاحات لائی جا رہی ہیں ۔ دوسری طرف سینٹ میں وقفہ سوالات کے دور ان وزارت داخلہ کے 14 میں سے 9 سوالات کے جواب نہیں دیے گئے- جس پر چیئر مین سینٹ نے متعلقہ وزیر سے رابطہ کا فیصلہ کرلیا ۔ چیر مین سینٹ نے کہاکہ تحریری سوالات کے جوابات کیوں نہیں آتے
اجلاس کے دوران میں منسٹریز کے متعلقہ افسران بھی ایوان میں موجود ہوں اجلاس کے دوران سینٹ نے ایوان میں مختلف وزارتوں کے افسران کی غیر موجودگی کا سختی سے نوٹس لے لیا اور بعہمی کا ظہار بھی کیا، سینٹ اجلاس میں ایف بی آر کے افسر کے علاوہ کوئی افسر موجود نہیں ۔ چیئر مین سینٹ نے کہاکہ جن وزارتوں کے سوالات ہے ، ان وزارت کے افسران کیوں موجود نہیں ؟ چیر مین سینٹ نے ہدایات جاری کر دیں کہ آئندہ اجلاس میں سیکر ٹریز یہاں موجود ہوں ۔
