پاکستان میں ہر 15 دن کے بعد پٹرولیم مصنوعات کی قیمتوں میں امنافے کا سلسلہ پچھلے کئی ماہ سے جاری ہے ۔ اس وقت ایک لٹر پٹرول 108 روپے 56 پیسے میں فروخت ہورہا ہے لیکن آپ کو یہ جان کر بہت حیرت ہوگی کہ تیل کی دولت سے مالا مال جنوبی امریکہ کے ملک وینز ویلا میں ایک لٹر پٹرول کی قیمت صرف اور صرف تین روپے 16 پیسے ہے- جو کہ دنیا میں پٹرول کا سب سے کم ترین ریٹ ہے ۔
اگر چہ یہ ملک تیل کی دولت سے مالا مال ہے لیکن بدعنوان انتظامیہ اور کرپٹ حکومت کی وجہ سے اس کی بڑی آبادی خط غربت سے نیچے زندگی گزارنے پر مجور ہے، یہاں کے شہری اپنی غربت مٹانے کیلئے دوسرے ملکوں کا رخ کرتے ہیں- اور بعض اوقات غیر قانونی طریقوں پڑوسی ملکوں میں محنت مزدوری کو ترجیح دیتے ہیں تاکہ اپنی ضروریات زندگی کو پورا کر سکیں ۔ گلوبل پٹرول پرالس کے مطابق دنیا میں سب سے مہنگا پٹرول ہانگ کانگ میں ہے جہاں اس کی فی لٹر قیمت تقریباً 384 روپے ہے ۔
