خیبرپختونخوا میں تیل اور گیس کی پیداوار شروع
مقامی سطح پر تیل و گیس کی پیداوار کے شعبے سے اچھی خبر سامنے آگئی، لکی مروت کے ولی بٹانی کنویں سے گیس اور تیل کی پیداوار وقت سے پہلے شروع ہوگئی۔
ترجمان او جی ڈی سی ایل کے مطابق نئی فیلڈ سے ماہانہ 300 ایم ایم ایف سی ڈی گیس نیشنل گرڈ میں شامل ہو گی، کنویں سے ماہانہ 30 ہزار بیرل خام تیل بھی پیدا ہو گا، گیس کی پیداوار آئندہ 24 گھنٹوں میں نیشنل گرڈ سے منسلک ہو جائے گی۔ .
لکی مروت کے علاقے ولی بٹانی سے مزید دو کنوؤں کی تکمیل سے گیس کی یومیہ پیداوار 50 ایم ایم ایف سی ڈی ہوگی۔
ماہرین کے مطابق ولی بٹانی فیلڈ میں تیل کے کل ذخائر 13 ملین بیرل ہیں جبکہ گیس کے کل ذخائر 225 ارب مکعب فٹ ہیں۔