کبڈی پاکستان میں کھیلا جانے والا ایک دلچسپ کھیل ہے.کھیل انسانی زندگی میں بہت اہمیت کے حامل ہیں ۔کھیل کھیلنے سے انسان تندرست رہتا ہےنیزجسمانی مشقت سے انسان بہت سی بیماریوں سے بچا رہتا ہے۔
کھیل کھیلنے سےایک طرف ہمارا جسم تند رست رہتا ہےتو دوسری طرف ہمارا دماغ چست رہتا ہے، کھیل انسانی جسم کو چاق و چوبند رکھتے ہیں۔بہت سارے لوگوں کر بہت سے کھیل پسند ہیں۔ہر ملک کا کوئی نہ کوئی قومی کھیل ہے۔ پاکستان کا قومی کھیل ہاکی ہے۔کر کٹ کو بھی بہت پسند کیا جاتا ہے۔ پہلے وقتوں میں لوگ اپنے بچوں کو کھیلنے نہیں دیتے تھے کہ وہ خراب ہو جا ئیں گے۔لیکن اب کھیلوں کو بطور پروفیشن اپنایا جا رہا ہے.بہت سے محکمہ جات میں کھلاڑیوں کے لئے الگ سے کوٹہ رکھا جاتا ہے، کالج اور یونیورسٹیوں میں بھی کھیلاڑ ی طلبا کے لئے سیٹ ہوتی ہے۔
شہروں میں الگ قسم کے کھیل پسند کئے جاتے ہیں اور گاوں میں الگ طرح کے۔ دیہاتوں میں زیادہ تر کبڈی اور فٹ بال کھیلنا پسند کیا جاتا ہے۔ صوبہ پنجاب میں کبڈی بہت شوق سے کھیلا جانے والا کھیل ہے۔
یہ بنگلہ دیش کا قومی کھیل ہے۔
یہ ایک ایسا کھیل ہے جس میں کسی بھی قسم کے سامان کی ضرورت نہیں ہوتی کبڈی میں دو ٹیموں کے درمیان مقابلہ ہوتا ہے۔ہر ٹیم میں سات کھلاڑی ہوتے ہیں۔ایک میدان کو دو حٖصوں میں بانٹ کر درمیان میں ایک لکیر لگا دی جاتی ہے۔ باری باری ہر ٹیم میں سے ایک کھلاڑی دوسری ٹیم کے حصے میں جاتا ہے۔ اس کی کوشش ہوتی ہے کہ مخالف ٹیم کے کسی کھلاڑی کو ہاتھ لگا کر واپس اپنے حصے میں آ جائے۔ مخالف ٹیم اسے ایسا کرنے سے روکتی ہے۔ اگر وہ ایسا کر کے واپس پہنچ جائےتو اس کی ٹیم کو نمبر ملتے ہیں۔ اور ہاں سب سے دلچسپ بات یہ ہے کہ جو کھلاڑی مخالف ٹیم کے حصے میں جاتا ہے اسے ایک سانس میں بار بار ،کبڈی کبڈی ، دہرانا ہوتا ہے۔اگر اس کی سانس ٹوٹ جائے تو وہ کھیل سے نکال دیا جاتا ہے۔
یہ کھیل گاوں میں بہت شوق سے کھیلا جاتا ہے پاکستان اور بھارت میں اس کی بہت اچھی ٹیمیں موجود ہیں، پاکستان اور بھارت کی ٹیمیں ایک دوسرے کے ملکوں میں جا کر کئی بار مقابلہ جات میں حصہ لے چکی ہیں۔ دونوں ملکوں کے لوگ دور دور سے کبڈی کے مقابلہ جات دیکھنےے کے لئے جاتے ہیں،اور اپنےکھلاڑیوں کی حوصلہ افزائی کر تے ہیں۔
