ملتان کی تحصیل شجاع آباد میں انوکھی ڈکیتی سامنے آئی. شادی کے گھر میں 4 ڈاکوؤں نے گھس کر نہ صرف دلہن کومبینہ طور پر اجتماعی زیادتی کا نشانہ بنایا بلکہ لوٹ مار بھی کی اور وہاں سے فرار ہوگئے۔خبررساں ادارے کی رپورٹ کے مطابق افسوس ناک واقعہ شجاع آباد کے علاقےموچی پورہ میں پیش آیا .جہاں گزشتہ روز بیاہ کر آنے والی دلہن ڈاکوؤں کی ہوس اور درندگی کی بھینٹ چڑھ گئی، ڈاکوؤں نے دلہن کو اجتماعی زیادتی کا نشانہ بنانے کے بعد گھر سے 5 تولے سونا ایک لاکھ روپے سے زائد نقدی اور دیگر قیمتی سامان لوٹا اور وہاں سے فرار ہوگئے۔
.واقعے کی اطلاع ملتے ہی پولیس کی بھاری نفری موقع واردات پر پہنچ گئی اور اہل خانہ سمیت گھر میں موجود تمام افراد کے بیانات قلم بندکیے. اور جائے واردات سے تمام ضروری شواہد بھی اکھٹے کرلیے۔اہل خانہ کی جانب سے پولیس کو دیئے گئے بیان کے مطابق ڈاکوؤں کی تعداد 4 تھی جس میں سے 3 نے پولیس کی وردی پہن رکھی تھی، ڈاکوؤں نے اہل خانہ کو 2 گھنٹے سے زائد وقت تک یرغمال بناکر رکھا. اور اطمینان سے اپنی پوری کارروائی مکمل کی۔
پولیس کے مطابق ڈاکوؤں نے دولہا کو تشدد کا نشانہ بنایا. اور دلہن کے ساتھ مبینہ طور پر اجتماعی زیادتی کی، دونوں کو میڈیکل کیلئے ہسپتال منتقل کردیا گیا ہے، میڈیکل رپورٹ آنے کے بعد صورتحال واضح ہو جائےگی۔واقعے کے بعد ریجنل پولیس آفیسر سید خرم علی بذات خود .متاثرہ خاندان کے گھر پہنچے اور اہل خانہ سے ملاقات کرکے واقعے کی تفصیلات حاصل کیں.اور پولیس کو ملزمان کی فوری گرفتاری کا ہدف دیدیا۔
اس موقع پر ان کا کہنا تھا کہ ملزمان کو ہر صورت میں کیفر کردارتک پہنچایا جائے گا. اور متاثرہ خاندان کو انصاف فراہم کرنے میں کوئی کوتاہی نہیں برتی جائے گی۔
