ہنڈا ایکارڈ 2020 ماڈل سپر لگژی کار
1980ء میں جب ہنڈا کا پلانٹ پاکستان میں نہیں تھا تو پاکستان میں ہنڈا ایکا رڈ کے ماڈل ہیں سڑکوں پر فراٹے بھرتے دکھائی دیتے تھے ،جب 1990ءمیں ہنڈا کا پلانٹ پاکستان میں لگا تو پھر ہنڈا آوریل(Oriel) اورسیوک (Civic) ماڈلز کی کاریں لوگوں کی توجہ کا مرکز بنی اور اب بھی پسند کی جا رہی ہیں۔
2004 ء میں ہنڈا ایکارڈ کے ماڈل سی ایل سیون(CL7) سی ایل نو(CL9) ، متعارف ہوئےاور اب اس کے بعد ہنڈا ایکارڈ 2020 ماڈل بھی پاکستان میں آ گیا ہے اس ماڈل کی صرف دس کاریں ہی پاکستان میں امپورٹ کی گئی ہیں۔
ہنڈا ایکارڈ 2020 ماڈل ، سی ایل سیون(CL7) سی ایل نو(CL9) ، آوریل(Oriel) اورسیوک (Civic) ، کے مقابلے میں فیچرز اورکمفرٹ لیول کے اعتبار سے بہت آگے کی کار ہے۔ پاکستان میں ہنڈا ایکارڈ ماڈل کی کاریں نہیں بنتی کیونکہ ان کا ہنڈا ایکارڈ ویرینٹ بہت یادہ مہنگا ہے۔اس گاڑی کا موازنہ آپ ٹیوٹا کمپنی کی کیمرے(Camry) اور مارک ایکس (Mark X) سے کر سکتے ہیں۔
ہنڈا ایکارڈ 2020 ماڈل کے فیچرز کی بات کریں تو گاڑی کی بیرونی ساخت کے بائیں جانب ایک کیمرہ دیا گیا ہے جو کہ اس گاڑی کی ڈرائیونگ میں سہولت اور آسانی پیدا کرتا ہے۔مشلن سے بنے ہوئے ٹائروں کے رم ڈائمنڈ کٹنگ میں ہیں جس میں بیک ڈسک بریک ہے ۔ ٹائروں کا سائز 256/45 ، بمپر کی لُک بہت زیادہ نمایاں ہے اور نیچے لائٹ میں فورک لیمپ ہیں۔لائٹس کی بات کریں تو سی ای ڈی لائٹس ہیں جنکی انٹرنل لُک کروم میں ہے۔اشارے اگر ارتھنِگ میں استعمال کریں تو بڑی زبردست لُک دیتے ہیں ۔گاڑی کی انٹریئر مکمل لیدر میں ہے کچھ بھی اس میں پلاسٹک کا استعمال نہیں کیا گیا۔
انجن کی بات کریں تو 1/5 ٹربو انجن ہے جو بڑی ہنر مندی اور خوب صورتی سے اسمبل کیا گیا ہے۔اس میں ڈرائی بیٹری سُول بھی ہے۔اس کار کا میٹر 240کلومیٹر تک اور مائلیج ایک لیٹر میں تقریباً گیارہ کلومیٹر کا سفرطے کرسکتی ہے۔حفاظتی نقظہِ نظر کے مطابق چھ ائیر بیگ ہیں اور انٹرنلی چھ سپیکر بھی نصب کیئے گے ہیں۔
ایک خوب صورت و دلکش ایل سی ڈی جو کہ ایپل کار پلے کے فیچر سے مزین ہے۔فرنٹ سیٹوں کے درمیان موجود سپورٹر میں چارچنگ سورس متعین ہونے کے ساتھ اس پر پیچھے بیٹھنے والے مُسافروں کے لیے اے سی کی سہولت بھی ہے۔
سیٹئرنگ پر موجود Cruise کا بٹن ہے اس کو کسی بھی سپیڈ پر لگا سکتے ہیں ضروری نہیں کہ صرف 1-10 پر ہی ، سیٹئرنگ میں پینڈ ل شفٹنگ دی گی ہے اور فون پر آنے والی کالز کو سیٹرنگ پر لگے بٹن سے اٹینڈ یعنی ریسیو اور چیک بھی کر سکتے ہیں۔گاڑی کا بیرونی کیمرہ جو کہ ڈرائیونگ میں سہولت اور معاونت کے لیے لگایا گیا ہے اس کو بھی بٹن سے آن یا آف کرتے ہوئے باہر کے مناظر کو سکرین پر بخوبی دیکھ سکتے ہیں۔
ہنڈا ایکارڈ2020 ماڈل سپر لگژری گاڑی ہے جو پاکستان میں موجود ہنڈا کے کار سیلنگ آفسز سے بآسانی دستیاب ہے اس کار کی قیمت بشمول ٹیکس پاکستانی (124 lac.)ایک سو چوبیس لاکھ روپےیعنی ایک کروڑ چوبیس لاکھ ہے۔