سلمان خان اور عامر خان ایک فلم میں اکٹھے نظر آئیں گے

سلمان خان اور عامر خان ایک فلم میں اکٹھے نظر آئیں گے.سلمان خان اور عامر خان بولی وڈ انڈسٹری کے دو بہت بڑے نام ہیں.دونوں کو بولی وڈ انڈسٹری میں بہت زیادہ عرصہ گزر چکا ہے.یہ بہت اچھے دوست بھی ہیں.ان کے چاہنے والے ان کو ہمیشہ اکٹھے کام کرتا دیکھنا چاہتے ہیں.دونوں کو ایک ساتھ کام کیے ہوئے بہت عرصہ گزر چکا ہے.لیکن اب ان کے مداحوں کے لیے خوشی کی خبر آگئی ہے.عامر خان کی اگلی آنے والی فلم میں سلمان خان بھی جلوہ گر ہوں گے.اس فلم کا نام لال سنگھ چڈھا ہے.سلمان خان اس فلم میں بطور مہمان اداکار نظر آئیں گے.

اس فلم میں سلمان خان اپنی پرانی فلم ”میں نے پیار کیا” کے پریم والے کردار میں نظر آئیں گے.جبکہ عامر خان ایک نوجوان فوجی کا کردار ادا کرتے ہوئے نظر آئیں گے.اس فلم میں عامر خان کے ساتھ کرینہ کپور مرکزی کردار ادا کریں گی. کرینہ کپور نے اس فلم کیلئے اپنی شوٹنگ مکمل کروا دی ہے.عامرخان اس وقت اپنی فیملی کے ساتھ گجرات میں نئے سال کی چھٹیاں منا رہے ہیں.وہ ممبئی واپس آ کر فلم کی شوٹنگ اسٹارٹ کریں گے.سلمان خان بھی تھوڑے دن تک فلم کی شوٹنگ سٹارٹ کر دیں گے.عامر خان اور سلمان خان کو ایک ساتھ کام کیے ہوئے بہت عرصہ گزر چکا ہے.دونوں اداکاروں نے اس سے پہلے “انداز اپنا اپنا” میں ایک ساتھ کام کیا تھا.بہت عرصے بعد دونوں اداکار ایک ساتھ ایک ہی فلم میں جلوہ گر ہوں گے.

عامر خان اور سلمان خان کی فلمیں بہت اچھا بزنس کرتی ہیں اور بہت پیسے کماتی ہیں.عامر خان اس سے پہلے پی کے اور دنگل جیسی سپر ہٹ فلم جبکہ سلمان خان بھی ایک تھا ٹائیگر اور سلطان جیسی مشہور فلمیں بنا چکے ہیں.شائقین دونوں کو ایک ساتھ کام کرتا ہوا دیکھنے کے لئے بہت بے تاب ہیں. عامرخان اپنی ہر فلم کو بنانے کے لیے بہت محنت سے کام کرتے ہیں اور اس فلم میں بھی وہ بہت محنت سے کام کر رہے ہیں.ان کی یہ فلم بھی یقینا سپر ہٹ ہو گی اور شائقین اسے دیکھ کر بہت لطف اندوز ہوں گے.یاد رہے کہ اس سے پہلے بھی عامر خان بہت سپر ہٹ فلمیں بنا چکے ہیں.