موٹر سائیکل سواروں کے تحفظ کو یقینی بنانے کے لیے لاہور سٹی ٹریفک پولیس نے گزشتہ تین ہفتوں میں ہیلمٹ نہ پہننے والوں کے 99 ہزار چالان کیے ہیں۔
چیف ٹریفک آفیسر (سی ٹی او) ڈاکٹر اسد ملہی نے میڈیا سے گفتگو کرتے ہوئے کہا کہ ہیلمٹ حفاظت کی علامت ہے۔ یہ بیان پولیس کی جانب سے مال روڈ پر بغیر ہیلمٹ کے بائیکرز کے داخلے پر پابندی کے چند دن بعد آیا ہے۔
سی ٹی او نے مزید کہا کہ مال روڈ پر 95 فیصد موٹر سائیکل سواروں نے ہیلمٹ پہننا شروع کر دیا ہے۔ ‘خود کی حفاظت اور چالان سے بچنے کے لیے ہیلمٹ پہننا چاہیے اور یہ آپ کے سر کو مہلک چوٹوں سے 70 فیصد محفوظ رکھتا ہے’
انہوں نے مزید کہا کہ لاہور کے ہسپتالوں میں سر کی چوٹ کے کیسز میں بھی کمی آئی ہے کیونکہ زیادہ لوگ ہیلمٹ پہنتے ہیں۔ سینئر اور ینگ ڈاکٹرز نے اس مسئلے پر توجہ دینے پر سی ٹی او کا شکریہ ادا کیا ہے۔