تقویٰ

حضرت داؤد طائی رحمہ اللہ کے ہاں ایک مرتبہ ابوبکر عیاش پہنچے تو دیکھا کہ روٹی کا ٹکڑا ہاتھ میں لے کر رو رہیں ہیں اور جب حضرت عیاش نے وجہ پوچھی تو فرمایا کہ دل تو یہ چاہتا ہے کہ اس کو کھا لوں لیکن یہ پتہ نہیں کہ رزق حلال بھی ہے یا نہیں ایک شخص نے آپ کے ہاں پانی کا گھڑا دھوپ میں رکھا ہوا دیکھ کر عرض کیا کہ اس کو سائے میں کیوں نہیں رکھا

فرمایا کہ جس وقت میں نے یہاں رکھا تھا اس وقت سایہ تھا لیکن اب دھوپ میں سے اٹھاتے ہوئے مجھے اس لئے ندامت ہوتی ہے کہ محض اپنی راحت کیلئے تضیع اوقات کرتے ہوئے ذکر الٰہی سے غافل رہوں آپ کا مکان بہت وسیع تھا لیکن جب اس کا ایک حصہ منہدم ہو گیا تو آپ دوسرے حصے میں منتقل ہو گئے اور جب وہ بھی منہدم ہو گیا تو دروازے میں منتقل ہو گئے لیکن اس کی چھت بھی بھت بوسیدہ تھی اور جب لوگوں نے چھت ٹھیک کرانے کیلئے کہا تو فرمایا کہ میں اللّٰہ تعالیٰ سے یہ عہد کر چکا ہوں کہ دنیا میں تعمیر کا کام نہیں کروں گا اور آپ کے وصال کے بعد وہ چھت بھی منہدم ہو گئی