شیر کی وفاداری….2012 کی بات ہے ایک آدمی جس کا نام ویلن ٹین گونر تھا۔ اس نے ایک شیر کے بچے کو بچایا تھا۔ اس شیرکی پوری فیملی کو شکاریوں نے مار دیا تھا یہ بچہ بھی مر جاتا۔ لیکن ویلن ٹین نے اس کو بچا لیا ۔اور اسے اپنے ساتھ اپنے گھر لے آیا ۔اگلے کچھ مہینوں تک شیر ویلن ٹین کے ساتھ رہا۔ اس نے شیر کا بہت خیال رکھا ۔اس نے شیر کا نام سرگا رکھ دیا ۔
شیر اور ویلن ٹین تقریبا آٹھ مہینے ایک دوسرے کے ساتھ رہے ۔ ان کی آپس میں بہت گہری دوستی ہو گئی تھی ۔آٹھ مہینوں بعد اس کو دوسرے شیروں کے ساتھ رہنے کے لیے بھیج دیا گیا۔ تقریبا دو سال بعد جب ویلن ٹین سرگا سے ملنے گیا تو سرگا نے ویلن ٹین کو پہچان لیا اور اس نے دوڑ کر ویلن ٹین کو گلے لگا لیا ۔جیسے یہ کب سے اس کا انتظار کر رہا تھا۔
ایک شیر اپنی مدد کرنے والے کو ایسے یاد رکھے گا یہ بات انتہائی حیران کن تھی۔ اس کے بعد ویلن ٹین سرگا سے ملنے اکثر جاتا رہتا تھا اور یہ دونوں آپس میں گلے ملتے تھے۔ اور بہت خوش ہوتے تھے۔اس کہانی سے ہمیں وفاداری کا سبق ملتا ہے۔ اگر ایک جانور کسی انسان کے ساتھ اتنا مخلص ہو سکتا ہے تو انسان کیوں نہیں، ہمیں چاہیے کہ ہم کسی کو دھوکا نہ دیں اور ہر کسی سے مخلص رہیں۔
