کراچی – سندھ میں میٹرک اور انٹرمیڈیٹ کے امتحانات بالترتیب 8 مئی اور 22 مئی 2023 سے ہوں گے۔ یہ فیصلہ پیر کو سیکرٹری سکول ایجوکیشن اکبر لغاری کی زیر صدارت اجلاس میں کیا گیا۔
اجلاس میں سیکرٹری کالجز احمد بخش ناریجو، بورڈز کے چیئرمین اور پرائیویٹ سکول ایسوسی ایشن کے رہنما طارق شاہ نے بھی شرکت کی۔ اکبر لغاری کی زیر صدارت ذیلی کمیٹی کے اجلاس میں اس کی منظوری کے ساتھ امتحان کے پیٹرن میں بھی تبدیلی کی گئی ہے۔
امتحانی پیٹرن میں نئی تبدیلیوں کے مطابق، پرچہ 20فیصد کثیر انتخابی سوالات (ایم سی کیوز)، 40فیصد مختصر جوابات اور 40فیصد طویل جوابات پر مبنی ہوگا۔