لاہور – وفاقی تحقیقاتی ادارے (ایف آئی اے) نے جمعرات کو سینئر صحافی اور اینکر پرسن چوہدری غلام حسین کو بینک قرض سے متعلق کیس میں گرفتار کر لیا۔
ان کی گرفتاری کی تصدیق ان کے بیٹے نے کرتے ہوئے کہا کہ ایف آئی اے اہلکار نے رات 8 بجکر 45 منٹ پر لاہور کے علاقے گلبرگ میں کافی شاپ سے ان کے والد کو حراست میں لیا۔
انہوں نے کہا کہ ایف آئی اے اہلکار نے بتایا کہ وہ حسین کو ایک پرانے کیس میں گرفتار کر رہے ہیں۔ ادھر ایف آئی اے نے تصدیق کی ہے کہ اے آر وائی نیوز چینل سے وابستہ صحافی کو بینکنگ سرکل نے گرفتار کیا ہے۔ اس میں کہا گیا کہ حسین ایف آئی اے کو 2003 میں جعلی دستاویزات پر بینک سے 5.7 ملین روپے قرضہ لینے کے کیس میں مطلوب تھا۔
بینکنگ کورٹ نے اس کیس میں غلام حسین کے ناقابل ضمانت وارنٹ گرفتاری جاری کیے تھے، ایف آئی اے نے مزید کہا کہ اس کے دو بیٹے بھی اس مقدمے میں مفرور ہیں۔
